San Mateo 23:16 - Bible in Tzeltal Bachajón

¹⁶ ¡Ay me awocolic, ts'o'sit jtojobteswanejex! te hich yac awalic: Teme ay mach'a ay bin ya yal ta jamal ta scuenta te Templo, mayuc sc'oblal c'ohem; yan teme ay mach'a ay bin ya yal ta jamal ta scuenta te oro yu'un te Templo, ya me sc'ohtes ta pasel, xchihex.

Nuevo Testamento Tzeltal de Amatenango

¹⁶ “Ay pe jal jaꞌex, te chok jtsobawexe te tutꞌil te jich ya awalike: “Teme ay tut ya kaltik te ya jpastike teme jaꞌ a kakꞌtik ta testigo te temploe, ma puersauk te ya jpastike. Yan teme jaꞌ a kakꞌtik ta testigo te oro yuꞌun te temploe, puersa me ya jpastik stukel te tuti kaltike”, xchaex.

Bible in Tzeltal de Oxchuc y Tenejapa

¹⁶ ¡Ya me awil awocolic ma'sit jwolwanejetic! te jich ya awalique: “Teme ay mach'a ja' nax ya stabey ta alel sbiil te temploe, ma'yuc sc'oplal stuquel. Yan teme ja' la stabey ta alel sbiil te oro yu'un te temploe, puersa me ay bila ya xc'ot ta swenta stuquel”, te xaexe.

San Mateo 23:16 Referans Kwoze

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

San Mateo 23:24

¡Ts'o'sit jtojobteswanejex te yac achihchinic te bic'tal us soc yac abiq'uic cohel te camello!

San Mateo 23:17

¡Sonso ts'o'sitex! ¿Binti a te tulan sc'oblal, ha bal te oro o ha bal te Templo te ya sch'ultes te oro?

Santiago 5:12

Quermanotac, ha tulan sc'oblal te ma me ayuc bin yac awalic ta jamal ta scuenta te ch'ulchan, te bahlumilal, o biluc yan. Hich, xchihanic me teme hiche. Ma hichuc, xchihanic me teme ma hichuque, scuenta yu'un ma ba yac awich'ic ich'el ta c'op yu'un.

San Mateo 23:26

¡Ts'o'sit fariseo! ha nahil xapocbe te yutil te vaso soc te plato, scuenta yu'un hich pocbil ya xc'oht soc a te spate.

San Mateo 23:19

¡Ts'o'sitex! ¿binti a te tulan sc'oblal, ha bal te mahtanil o ha bal te scajtajib te ya sch'ultes te mahtanile?

Gálatas 5:3

Yan buelta ya cal, spisil winiquetic te ya yac' sbahic ta a'beyel circuncisión, ya sc'an ya spas spisil bin ya yal te Ley.

Isaías 9:16

Te jcuentahinwanejetic ya showiytesic te pueblo ini ya xch'ayic te mach'atic cuentahimbil yu'unique.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.