San Mateo 23:14 - Bible in Tzeltal Bachajón

¹⁴ ¡Ay me awocolic, escribanohetic, fariseohetic, jchebal-o'tanex! como yac awich'beyic sna me'ba' antsetic, soc naht yac atsahtsah-c'oponic Dios. Toyol me castigo yac awich'ic yu'un.

Nuevo Testamento Tzeltal de Amatenango

¹⁴ “Ay pe jal jaꞌex, te maestroex yuꞌun te mantaliletike sok jaꞌex te fariseoexe jaꞌex te ma tsaꞌamuk awoꞌtanike. Yuꞌun te jaꞌexe ya apojbeyik sna sok stutik yuꞌun te meꞌba antstike. Pero jal ya akꞌoponik Dios ta sitil komon yuꞌun ya skuyelex te ben lek awoꞌtanike. Jaꞌ yuꞌun te jaꞌexe mas tulan kastigo ya awichꞌik atukelik.

Bible in Tzeltal de Oxchuc y Tenejapa

¹⁴ ¡Ya me awil awocolic jts'ibojometic, fariseoetic te cha'lam awo'tanique! Melel te ja'exe ya apojbeyic sbiluquic te me'ba antsetique, soc jal ya ac'oponic Dios ta comonsitil, swenta yu'un jich me ya xcuyotex a te lec awo'tanique. Jich yu'un te ja'exe c'axem to xan castigo ya awich'ic atuquelic.]

San Mateo 23:14 Referans Kwoze

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

San Marcos 12:40

Ya spojbeyic sna me'ba' antsetic soc naht ya stsahtsa-c'oponic Dios. Tulan castigo ya me yich'ic yu'un, xchi.

San Lucas 20:47

ya yich'beyic sna me'ba' antsetic, soc naht ya sc'oponic Dios yu'un ya x'ilotic. Ya me yich'ic tulan castigo, xchi.

Éxodo 22:22

Ma me xawuts'inic me'ba' ants o me'ba' alal.

Job 22:9

Mayuc bin la awa'be bahel yich' te me'ba' antsetic soc la awac'ticlambe sc'abic te me'ba' alaletique.

Job 31:16

Teme la jcom te bintic la sc'anic te pobrehetic o teme la jlajimbe smuc'ul yo'tan te me'ba' antsetic;

San Mateo 11:24

Ha yu'un ya calbeyex te c'alal ya sta yorahil ich'el ta c'op ha peq'uel xan castigo ya yich' te Sodoma te yac awich' te ha'ate, xchi te Jesús.

San Mateo 23:33

¡Chanex, sts'umbalex jti'awal chanetic! ¿bin ut'il c'an coluquex yu'un te ya x'ac'otex ta ch'ayel ta infierno?

San Lucas 12:48

Yan te a'bat ta scaj ma sna' te bin ya spas te ya yich' majel yu'une, ma ba bayel majel ya yich' stuquel, como spisil te mach'a bayel bin a'bot, bayel bin ya xc'ambot, soc te mach'a bayel bin a'bot scuentahin, c'ax hich ya xc'ambot suhtel a.

2 Timoteo 3:6

Ha'ic te ya yochintayic nahetic, ya sjuquic bahel antsetic te bayel smulic, te jteb nax stahelic ta spasel bayel ta chahp chijil-o'tanil,

Tito 1:10

Como ay tsobolic ya sutawanic ta c'op, jlomlomc'opetic soc jlo'loywanejetic; ha bayel hich ya spasic te mach'atic ayic ta scuenta circuncisión.

Santiago 3:1

Quermanotac, ma me tsoboluquex te yac awa'iyic p'ijubteswanej, como ana'ojic te c'ax tulan xan ya quich'cotic ich'el ta c'op.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

2 Pedro 2:14

Te sitic nojel ta antsiwej, ma xquehchajic ta slehel smulic; ya smonic te mach'atic mayuc yip yo'tanic; c'ahyemic a te spisil bin ya xbic'taj yo'tanic yu'un, ha yal-snich'nab chopol c'oblalil.