San Mateo 23:13 - Bible in Tzeltal Bachajón

¹³ Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Nuevo Testamento Tzeltal de Amatenango

¹³ “Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

Bible in Tzeltal de Oxchuc y Tenejapa

¹³ ¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

San Mateo 23:13 Referans Kwoze

San Lucas 11:52

¡Ay me awocolic, maestrohex yu'un te Ley! como la aloq'uesbeyic te llave yu'un te bin ay ta na'ele; ma ba ya x'ochex te ha'exe, soc yac amaquic te mach'atic ya x'ochic bahele, xchi.

San Mateo 23:29

¡Ay me awocolic, escribanohetic, fariseohetic, jchebal-o'tanex! como yac apasbeyic smuquenal te jalwanejetic soc yac ach'albeyic sna'ojibalic te mach'atic toj yo'tanic,

San Mateo 23:27

¡Ay me awocolic, escribanohetic, fariseohetic, jchebal-o'tanex! como hich c'ohemex te bin ut'il muquenal te bombil ta sac, t'ujbil ta ilel ta spat, pero ta yutil nojel ta sbaquel chamen winiquetic soc spisil bintic ilobtic sba.

San Mateo 23:23

¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

Zacarías 11:17

¡Ay me swocol te jcanan te ma xtuhun, te ya yihquitay hilel te tuminchijetique! ¡Ac'a yich' ehchentesbeyel sc'ab ta espada, soc te swa'el sit! ¡Ac'a taquijuc te sc'ab, soc jc'axel ac'a tup'uc te swa'el sit! xchi te Jehová.

Hechos 8:1

Te Saulo lec la ya'iy te la yich' milel te Esteban. Ta hich ora hahch bayel uts'inel ta stojol te iglesia te ay ta Jerusalén; spisilic puhquic bahel ta sq'uinal Judea soc Samaria, stuquel xanix hil te jpuc-c'opetique.

2 Timoteo 4:15

Ha nix hichat tsahtaya me aba ta stojol, como bayel scontrahinej te bin la jcaltique.

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

2 Timoteo 3:8

Hich te bin ut'il la scontrahinic Moisés te Janes soc te Jambres, ha nix hich ya scontrahinic te smelelil c'ope; ha winiquetic te chopol spensaric, mayuc sch'uhunel yo'tanic.

Hechos 13:8

Pero te Elimas te jna'ojel (yu'un hich c'asesbil te sbihile), la scom te Saulo soc te Bernabé, la sle bin ut'il ma ba ya sch'uhun Dios te procónsul.

Hechos 5:40

Hich la sch'uhunic. Ha yu'un la sticonic xan ta iq'uel te jpuc-c'opetic; c'alal laj smajbelic a, la scomic te manchuc ya yalbeyic xan sc'oblal te Jesús, hich la scoltayic bahel.

Hechos 5:28

¿Ma bal tulanuc la jpasex ta mandar te ma xawa'iyic p'ijubteswanej ta scuenta te bihilil ini? Pero yo'tic la anojesic ta Jerusalén te nohptesel awu'unique, soc yac awa'bel jcuchcotic smalbeyel sch'ich'el te winic yac awalique, xchi.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

San Juan 9:24

Ha yu'un la scha'ticonic ta iq'uel tal te winic te ts'o'sit ta nahil to, hich la yalbeyic: ¡Halbeya yutsilal te Diose! Jna'ojcotic te ha jmulawil te winique, xchihic.

San Juan 9:22

Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

San Mateo 23:25

¡Ay me awocolic, escribanohetic, fariseohetic, jchebal-o'tanex! como yac apoquic te spat vaso soc te plato, pero ta yutil nojel ta elec' soc ta bintic ma tojuc ta pasel.

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

San Mateo 23:16

¡Ay me awocolic, ts'o'sit jtojobteswanejex! te hich yac awalic: Teme ay mach'a ay bin ya yal ta jamal ta scuenta te Templo, mayuc sc'oblal c'ohem; yan teme ay mach'a ay bin ya yal ta jamal ta scuenta te oro yu'un te Templo, ya me sc'ohtes ta pasel, xchihex.