San Mateo 22:4 - Bible in Tzeltal Bachajón

⁴ La scha'ticon xan yan a'batetic yu'un, hich la yalbe bahel: Halbeya te mach'atic ic'bilic cu'un te chapalix te we'elile. La yich'ix milel te torohetic soc te juhp'en wacaxetic, spisil chapalix cu'un; la'ic ta yilel te nuhpunel, xchi.

Nuevo Testamento Tzeltal de Amatenango

⁴ La stikon xan bael yan yaj-mantal. La yaltalanbe bael: “Albeyaik te machꞌatik majanlanbile: ‘Chapalix kuꞌun te weꞌelile. La kakꞌix ta milel te toroetik kuꞌune sok te jujpꞌen wakaxetike. Spisil chapalix. Jaꞌ yuꞌun laꞌik me ta ora ta yilel te jnujpunele,’ uta me tal”, xchi te reye.

Bible in Tzeltal de Oxchuc y Tenejapa

⁴ La sticun xan yan abatetic. Jich la spas bael ta mandal: “Albeya te mach'atic ic'bilique: ‘Chapalix cu'un te we'elile. La caq'uix ta milel te toroetic cu'une soc te jujp'en chambalametique. Spisil chapalix. Jich yu'un la'ic me ta yilel ta ora te nujbinele’, uta me”, xi' te ajwalile.

San Mateo 22:4 Referans Kwoze

Hechos 13:46

Ha yu'un te Pablo soc Bernabé soc yip yo'tanic hich la yalbeyic: La sc'an te nahil la jcalbeyex awa'iyic te sc'op Dios; pero te bin ut'il la ap'ajic soc ma xac'an yac awich'ic te cuxlejal scuenta sbahtel q'uinal, ya xbohotcotic ta stojol te jyanlumetique,

San Mateo 21:36

La scha'ticon xan yan a'batetic yu'un, c'ax hich a te bin ut'il ta nahil to; pero ha nix hich la spasbeyic.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

San Lucas 14:17

C'alal la sta yorahil te we'el, la sticon bahel ya'bat te hich la yalbe te mach'atic ic'bilic: La'ic me, chapalix spisil, xchi.

San Mateo 22:8

Hich la yalbe te a'batetic yu'une: Chapalix te q'uin scuenta nuhpunel, pero te mach'atic ic'ticlambilic mayuc stuc yu'unic.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Proverbios 15:17

Ha lec xan te swe'el itaj soc c'uxul-o'tanil te bin ut'il juhp'en wacax te banti ay il-o'tantayel.

San Mateo 22:5

Pero ma la yich'ic ta cuenta te yiq'uelique: jtuhl baht ta sc'al, yan baht ta chombajel;