San Mateo 22:23 - Bible in Tzeltal Bachajón

²³ Ha nix ta yorahil, te saduceohetic, te ya yalic te mayuc cha'cuxajel, talic ta stojol, hich la sjoc'obeyic te Jesús:

Nuevo Testamento Tzeltal de Amatenango

²³ Mismo kꞌaal a ay chaꞌoxtul saduseoetik tal skꞌoponik te Jesuse. Te saduseoetike kꞌoem ta yoꞌtanik te makꞌ chaꞌkux tal te animaetike. Jich a sojkꞌobeyik sluwaril tsꞌin kꞌop to:

Bible in Tzeltal de Oxchuc y Tenejapa

²³ Ja' nanix sc'aalelal a te tal sc'oponic Jesús te saduceoetic te ya yalic te ma'yuc cha'cuxele. Jich la sjojc'obeyic in aiyej to:

San Mateo 22:23 Referans Kwoze

Hechos 4:1

Te Pedro soc Juan yac sc'opombelic a te pueblo, hulic ta tahel yu'un sacerdotehetic, jtsobaw jcanan-templo, soc saduceohetic,

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Hechos 5:17

Ha yu'un hahch slab yo'tanic te muc'ul sacerdote soc spisil te mach'atic schapoj sba soc, ha te jchahp saduceohetique.

2 Timoteo 2:18

te la yihquitayic hilel te smelelil c'ope. Ya yalic te c'axemix te cha'cuxajel, hich ya sjimbeyic sch'uhunel yo'tanic yantic a.

San Mateo 16:6

Halbotic yu'un te Jesús: Tsahtaya me abahic yu'un te levadura yu'un te fariseohetic soc te saduceohetique, xchi.