San Mateo 22:17 - Bible in Tzeltal Bachajón

¹⁷ Hala ca'iycotic hiche, ¿bin xchihat yu'un, stojil bal teme ya yich' tojel patanil ta stojol César o ma'uc? xchihic.

Nuevo Testamento Tzeltal de Amatenango

¹⁷ Albotik kaꞌitik te tut kꞌoem ta awoꞌtan yuꞌun te mantaliletike. ¿Me ya xjuꞌ ya jtojtik tojemal yuꞌun te Cesare o ma xjuꞌ? —xchiik.

Bible in Tzeltal de Oxchuc y Tenejapa

¹⁷ Ala caiytic te bit'il c'oem ta awo'tan. ¿Ya bal stac' te ya jtojtic jpatantic yu'un te Cesare o ma stac'? —xiic.

San Mateo 22:17 Referans Kwoze

San Lucas 2:1

Ta hich ora la yal mandar te ajwalil Augusto César te ya me x'och ta ahtayel spisil ants-winiquetic.

San Mateo 17:25

Yac, ya yac', xchi. C'alal och bahel ta na te Pedro, ha nahil halbot yu'un te Jesús: ¿Bin xchihat yu'un, Simón? Te ajwaliletic ta bahlumilal, ¿mach'atic a te ya sc'ambe spatanic, ha bal te yal-snich'nabic o ha bal te yantique? xchi.

Hechos 28:22

Pero ya jc'an ya ca'iycotic te bin anopoj, como te jchahp te hich sch'uhunejic, ca'iyejcotic te bayuc contrahimbil, xchihic.

Hechos 25:8

Hich la yal te Pablo ta scoltayel sba: Mayuc jtahoj jmul ta stojol te Ley yu'un te judíohetic, o ta stojol te Templo o te César, xchi.

Hechos 17:7

soc ha yic'oj ta sna te Jasón. Spisil yac scontrahimbelic smandar César yu'un ya yalic te ay yan ajwalil, ha te Jesús, xchihic ta aw.

Hechos 5:37

Ta patil chicnaj Judas te talem ta Galilea, ta yorahil te la yich' ahtayel ants-winiquetic, bayel mach'a t'unot yu'un; pero ha nix hich laj, soc spisil mach'atic la st'unic la spuc sbahic.

San Lucas 3:1

Ta yo'lajunebal (15) ha'bil yochel ta ajwalil a te Tiberio César, ha te c'alal ay ta gobernador ta Judea a te Poncio Pilato, te Herodes ay ta tetrarca ta Galilea, te Felipe te yihts'in ay ta tetrarca ta Iturea soc ta sq'uinal Traconite, soc te Lisanias ay ta tetrarca ta Abilinia,

Jeremías 42:20

¿Bin yu'un la alo'loy abahic? Ha'ex nix la aticononic ta stojol Jehová te Dios awu'unic, te hich la awalic: C'opombotic Jehová te Dios cu'untic, soc a'botcotic jna'cotic spisil te bin ya yal te Jehová te Dios cu'untic, hich me ya jpascotic, xchihex.

Nehemías 9:37

Spisil te sit ya yac', ha me yu'unic te ajwaliletic te la awac' ta jtojolcotic ta scaj te jmulcotic, ha te mach'atic scuentahinejic te jbaq'uetalcotic soc jchambahlamcotic, hich te bin ut'il ya sc'an yo'tanic. ¡Ayotcotic ta bayel wocol! xchi ta sc'oponel Dios te Esdras.

Nehemías 5:4

Soc ay yantic te la yalic: La jmajancotic taq'uin yu'un ya jtojbecotic spatanil te jq'uinalcotic soc jts'usubilcotic ta stojol te ajwalil.

Esdras 7:24

Soc ya ca'beyex ana'ic te ma me xawa'be stoj chahpalchahp spataniletic te sacerdotehetic, levitahetic, jc'ayojetic, jcanan-ti'nahiletic, j'a'teletic ta templo soc te mach'atic ya x'a'tejic ta sna te Diose.

Esdras 4:13

Soc ac'a sna' te ajwalil teme ya yich' cha'pasel te pueblo soc teme ya yich' hachel te ts'ahquetic, ma ba ya stojix spatanic soc yantic pataniletic awu'un; hich ya xch'ay te taq'uin te ya yich'ic te ajwaliletique.

San Mateo 22:18

Pero na'bot yo'tanic yu'un te Jesús te chopol bin snopojic, hich la yalbe: ¿Bin yu'un yac awa'bonic jyacol, jchebal-o'tanex?

San Lucas 20:22

¿Stojil bal te ya ca'be jpatantic te César, o ma'uc? xchihic.