San Mateo 22:16 - Bible in Tzeltal Bachajón

¹⁶ La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

Nuevo Testamento Tzeltal de Amatenango

¹⁶ Jich a stikonik chaꞌoxtul te jnopojeletik yuꞌun te fariseoetik sok chaꞌoxtul te machꞌa jun yoꞌtan sba sok te Herodese. Jicha tal yalbeyik te Jesuse: —Maestro, ya jnaꞌtik te puru batsꞌi jich te tut ya awale, sok te sluwaril ya snojpeswanat te tut ya skꞌan te Diose. Maꞌyuk machꞌa ya xiꞌat ta kꞌop yuꞌun te genteetike. Porke ma tsabiluk nax awuꞌun te machꞌa ya awakꞌ ta jkuentae.

Bible in Tzeltal de Oxchuc y Tenejapa

¹⁶ Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

San Mateo 22:16 Referans Kwoze

San Marcos 3:6

Ha yu'un loq'uic bahel te fariseohetic, baht schap sc'opic soc te winiquetic yu'un Herodes te bin ya yut ya smilic te Jesús.

San Lucas 20:21

Hich la sjoc'obeyic: Maestro, jna'ojcotic te lec ac'op soc toj ya xnohpteswanat, soc mayuc mach'a tsahbil nax awu'un, smelelil yac awac' ta nopel te be yu'un Dios.

San Marcos 12:14

Hich c'oht yalbeyic: Maestro, ya jna'cotic te smelelil bin yac awal, soc te mayuc mach'a yac axi' aba soc; yu'un ma ba yac awilbe stalel te ants-winiquetic, smelelil yac awac' ta nopel te be yu'un Dios. ¿Stojil bal ta tojbeyel patanil te César, o ma'uc? ¿Ya bal ca'betic, o ma'uc? xchihic.

San Marcos 8:15

Ila me abahic, xchi te Jesús, canantaya abahic yu'un te levadura yu'un te fariseohetic soc te levadura yu'un te Herodes, xchi sc'oblalic.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 7:18

Te mach'a stuquel-o'tan nax ya xc'opoj, yac ta slehel yutsil sc'oblal, yan te mach'a ya slehbe yutsil sc'oblal te mach'a ticombil tal yu'une, chican te melel bin ya yal soc ma sna' lo'lowanej stuquel.

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

1 Tesalonicenses 2:4

Hich ya xc'opojotcotic te bin ut'il mach'atic lec yo'tan Dios yu'un, te hich ac'ot ta jcuentacotic te lec yach'il c'ope. Ma ha'uc ya jc'ancotic te lec yo'tan cu'uncotic te ants-winiquetic, ha'uc me lec yo'tan cu'uncotic te Dios, te ya ya'iybotic co'tantic stuquel.

Gálatas 2:6

Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

2 Corintios 4:2

Ha hilix cu'uncotic te bin muquen ay ta pasel soc te bintic q'uexlaltic sba, ma ba ya ca'iycotic lo'loywanej soc ma ba ya jyanijtesbecotic sc'oblal te sc'op Dios. Yan bin ya jpascotic, te bin ut'il jamal ya cac'cotic ta ilel te bin smelelil, ta stojol Dios ya cac' jbahcotic ta na'el ta yo'tanic spisil ants-winiquetic.

2 Corintios 2:17

Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.

San Lucas 7:40

Ha yu'un hich la yal te Jesús: Simón, ay bin ya calbat, xchi. Halbon, Maestro, xchi.

San Marcos 10:17

C'alal hahch ta behel te Jesús, tal ta ahnimal jtuhl winic, c'oht squejan sba ta stojol soc hich la sjoc'obe: Maestro te lecat ta winiquil, ¿bin ya jpas scuenta yu'un ya quich' te cuxlejal scuenta sbahtel q'uinal? xchi.

San Mateo 26:49

Ora nohpoj tal ta stojol te Jesús, hich la yal: ¡Talon, Maestro! xchi c'ohel; soc la yuhts'uy.

San Mateo 26:18

Hich halbotic yu'un: Ochanic bahel ta pueblo, ta stojol jtuhl winic tey a, hich me ya xc'oht awalbeyic: Hich ya yal te Maestro: Nopolix corahil; ya jpas te Q'uin Pascua ta ana soc te jnopojeletic cu'une, xchi.

San Mateo 22:26

Ha nix hich c'oht ta pasel ta stojol te schebal, yoxebal, c'alal ta shuquebal ihts'inal.

San Mateo 22:24

Maestro, la yal te Moisés: Teme ay mach'a cham te mayuc yal-snich'an, ha ya x'ic'bot yihnam yu'un te yihts'in, ha ya shachbe sts'umbal te sbanquile, xchi.

Malaquías 2:9

Ha yu'un te la jcac' te p'ajbil soc peq'uel c'ohemex ta stojol spisil ants-winiquetic, como ma ba la acanantaybon te behetic cu'un, soc ma pajaluc yac achahpanic ta scuenta te Ley.

Malaquías 2:6

Ay ta ye te smelelil ley, mayuc bin chopol tahbot ta ye. Behen ta jtojol ta scuenta lamal q'uinal soc ta scuenta bin toj ta pasel, ay tsobol mach'atic la ya'be yihquitayic hilel te bin chopole.

Proverbios 29:5

Te mach'a ya yalbe t'ujbil c'op te ma meleluc ta stojol te spat-xuhc, ha nix ya spas syacol te banti yac ta behele.

Salmos 55:21

Buen c'un ta a'iyel te sc'op, c'ax hich a te bin ut'il mantequilla, pero ay guerra ta yo'tan; c'un te sc'ope, c'ax hich a te bin ut'il aceite, pero hich c'ohemic te bin ut'il espadahetic loq'uesbilic ta sna.

Salmos 12:2

Jujutuhl ya slotiy sbahic soc spat-xuhquic, ya xbahbac'optaywanic soc cheb yo'tanic.

Salmos 5:9

Mayuc smelelil te bin ya yalic; nojel ta mulil te yo'tanique; ha jamal muquenal te yehic; ay bahba-c'op ta yehic.

1 Reyes 22:14

Te Micaías la sjac': ¡Yiloj Jehová, te ha nax ya cal te bin ya yalbon te Jehová! xchi.

Deuteronomio 33:9

te mach'a hich la yalbe sc'oblal te sme'static: Jc'axel mayuc xquil, xchi. Ma ba la yich' ta cuenta te yermanotac, soc ma ba la sna'be sba te yal-snich'nab. Pero ha'ic la sch'uhunic spasel ac'op, ts'acal la spasic te chapbil-c'op awu'une.

San Marcos 12:13

Patil la sticonic tal ta stojol Jesús cha'oxtuhl fariseohetic soc winiquetic yu'un Herodes scuenta yu'un ya stahbeyic smul a te bin ya yale.