San Mateo 22:10 - Bible in Tzeltal Bachajón

¹⁰ Hich loq'uic bahel ta behbetic te a'batetic, la yic'ticlanic tal spisil te mach'atic la stahic, te mach'atic lec yo'tanic soc ma lecuc yo'tanic, hich noj ta ic'abil banti ay te nuhpunele.

Nuevo Testamento Tzeltal de Amatenango

¹⁰ Te jꞌmantaletike lokꞌik bael ta kayailtik, la yikꞌik tal spisil te la sta sbaik soke. Kapal a talik sok te machꞌatik ma lekuke sok te machꞌatik lekike. Jich a noj ta yulaꞌ te snae.

Bible in Tzeltal de Oxchuc y Tenejapa

¹⁰ Jich a bajt'ic ta bebetic te abatetique. La stsobic tel spisil te mach'atic la sta sbaic soque. Capal talic soc te mach'atic lequique soc te mach'atic amenique. Jich noj ta ula' te snae.

San Mateo 22:10 Referans Kwoze

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

2 Corintios 12:21

C'alal ya xcha'talon, ya jxi' te ya spehc'anon ta atojolic te Diose, soc te ya x'oc'on yu'un tsobol te stahojic smulic pero ma ba suhtem yo'tanic yu'un te bin bohlobtesbil sc'oblal, yu'un antsiwej soc antsinel, soc te bintic chopol ya smulan sbaq'uetal te spasojique.

San Mateo 25:10

Pero c'alal bahemic ta smanel tal a, tal te mach'a ya xnuhpun. Te ach'ixetic te chapajtic la sjoquinic ochel te banti ya xc'oht te nuhpunel, soc la yich' maquel te ti'nahile.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

San Mateo 13:38

Te q'uinal, ha te bahlumilal; te lequil ts'unubil, ha te al-nich'anetic yu'un te cuentahinel yu'un te ch'ulchan, soc te ac, ha te yal-snich'nab te mach'a chopol.

San Mateo 9:15

Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

San Mateo 22:9

Ha yu'un bahanic ta behbetic, ic'ahic tal ta il-nuhpunel mach'ayuc a te yac atahic, xchi.