San Mateo 21:5 - Bible in Tzeltal Bachajón

⁵ Halbeyahic te yantsil-nich'an Sión: Yac ta talel ta atojolic te Ajwalil awu'unic, ha manso soc cajal ta burra, cajal ta yal burra, ha yal j'ihcatsijel chambahlam, te xchihe.

Nuevo Testamento Tzeltal de Amatenango

⁵ “Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

Bible in Tzeltal de Oxchuc y Tenejapa

⁵ “Albeya te lum yu'un Sión: ‘Ilawilic, talix te muc' ajwalil awu'unique. Peq'uel yac'oj sba. Scajtibinej tel te yal me' burra soc te alal burro te yal te cuch-ijc'atsil’, xaat me”, te xie.

San Mateo 21:5 Referans Kwoze

Isaías 62:11

Ilawil, te Jehová hich la spuc ta halel c'alal ta sti'il te bahlumilal: Halbeyahic te yantsil-nich'an Sión: Talix te Jcoltaywanej awu'un; ilawil, yich'oj tal mahtanil, ay ta stojol te mahtanile, xchi.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Oseas 1:7

Pero ya jna'be yo'bolil sba te sna Judá: ya jcoltay ta scuenta Jehová te Dios yu'une, ma ha'uc ta scuenta t'ihmalte', o espada, guerra, cawuhetic, o mach'atic cajajtic tey a, xchi.

Isaías 40:9

Mohan ta toyol wits, ha'at jal-c'opat yu'un Sión, tulan me x'awonat, ha'at jal-c'opat yu'un Jerusalén; toya ac'op, ma xiwat; halbeya te pueblohetic yu'un Judá: ¡Li' ay te Dios awu'unique! xchihat.

Ezequiel 37:24

Ha ajwalil yu'unic ya xc'oht te ca'bat David, jtuhl nax jcanan ay yu'unic spisilic. Ya st'unic te mandariletic cu'un soc ya sch'uhunic spasel te chapbil mandariletic cu'une.

Ezequiel 34:24

Ho'on Jehovahon, Dioson yu'unic ya xc'ohon, soc te ca'bat David ha jcuentahinwanej ya xc'oht yu'unic. Ho'on Jehovahon, c'opojonix.

San Mateo 11:29

Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

San Mateo 2:2

hich hul yalic: ¿Banti ay te ajwalil yu'un te judíohetic te ayinemixe? Como te ec' yu'un la jquilcotic ta banti ya xloc' tal c'ahc'al, ha yu'un talemotcotic ta sch'uhuntayel, xchihic.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

Salmos 9:14

scuenta yu'un ya cal spisil te yutsil ac'oblal ta puertahetic yu'un Sión, soc te tse'el co'tan yu'un te colel awu'une.

1 Reyes 10:26

Te Salomón la stsob carretahetic soc jmoheletic ta cawu. Ay j'ohlil schanbahc' (1,400) carretahetic yu'un soc j'ohlil scha'pic (12,000) jmoheletic ta cawu. Spisil la yac'ticlan ta pueblohetic yu'un carretahetic, soc ta banti ay te ajwalil ta Jerusalén.

1 Reyes 1:33

hich halbotic yu'un: Ic'a ajoquinic te a'batetic yu'un te ajwalil awu'unic, mohtesahic ta jmula te jnich'an Salomón, ic'ahic bahel ta Gihón.

2 Samuel 16:2

Te ajwalil la sjoc'obe te Siba: ¿Bin yu'un la awich' tal ini? xchi sc'oblal. La sjac' te Siba: Te burrohetic ha ya xmohic a te mach'atic ay yu'un te ajwalil, te panetic soc te sit awal-ts'unubiletic yu'un ha ya swe'ic te winiquetic, soc te vino ha ya yuch'ic te mach'atic ya xluhbic ta jochol taquin q'uinal, xchi.

Jueces 12:14

Ay cha'winic (40) ta tuhl queremetic soc ay lajuneb scha'winic (30) ta tuhl smamatac te mohic ta lajuneb schanwinic (70) ta coht burro. Ha juez yu'un Israel waxaqueb (8) ha'bil.

Jueces 5:10

Ha'ex te ya xmohex ta saquil burrahetic, ha'ex te huculex ta chahpanwanej, soc ha'ex te ya xbehenex ta awoquic, c'opojanic.

Deuteronomio 17:16

Pero te ajwalil ma sc'an te ay bayel cawuhetic yu'un, soc ma me xyac' suhtel te pueblo ta Egipto yu'un ya yich'be xan tal cawuhetic; como hich yalbeyejex te Jehová: Ma jaymehl xan ya suhtex bahel ta be ini, xchi.

Números 24:19

Ya xloc' jtuhl jtsalaw ta Jacob, ya slajinlan te mach'atic hilemic yu'un te pueblo, xchi.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Mateo 21:6

Hich bahtic te jnopojeletic, la spasic hich te bin ut'il halbotic yu'un te Jesús.

San Lucas 24:27

Hich hahch scholbe ya'iyic c'alal Moisés soc spisil te jalwanejetic te bintic ts'ihbabil ta Shun Dios te ya yalbe sc'oblale.