San Mateo 21:45 - Bible in Tzeltal Bachajón

⁴⁵ Te principal sacerdotehetic soc te fariseohetic, c'alal la ya'iyic te sloc'ombahil c'op, la sna'ic te ha sc'oblalic te bin la yale.

Nuevo Testamento Tzeltal de Amatenango

⁴⁵ Te statal-saserdoteetike sok te fariseoetike te kꞌalal la yaꞌibeyik sluwar te seña-kꞌop te la yal te Jesuse, sujt sjolik te stukel skꞌoplalike.

Bible in Tzeltal de Oxchuc y Tenejapa

⁴⁵ Te jwolwanej-sacerdoteetic soc te fariseoetique, te c'alal la yaiyic stojol te seña-c'opetic la yal te Jesuse, la sna'ic stojol te ja' sc'oplalique.

San Mateo 21:45 Referans Kwoze

San Lucas 20:19

Te principal sacerdotehetic soc te escribanohetic la slehic bin ut'il ya stsaquic ta ora, como la sna'ic te ha sc'oblalic te bin halbotic ta sloc'ombahil c'op; pero la xi'ic te ants-winiquetique.

San Lucas 11:45

Hich la sjac' jtuhl maestro yu'un te Ley: Maestro, te bin ut'il hich yac awale, ha nix hich yac alabanotcotic ya ca'iycotic, xchi.

San Mateo 12:12

¿Ma bal c'ax to xan hich ay sc'oblal jtuhl winic a te bin ut'il jcoht tuminchij? Ha yu'un ha stojil te ya yich' pasel te bin lec ta sc'ahc'alel cux-o'tan, xchi sc'oblalic.

San Mateo 13:3

Bayel bin la yalbe ya'iyic ta sloc'ombahil c'op, hich la yal: Ay jtuhl jts'umbajel loc' ta slihlinel sts'unub.

San Mateo 21:44

Te mach'a ya xyahl ta sba te ton ini, ya me xwuy, soc te mach'a ya xtenot yu'une, jc'axel juch'bil ya xhil yu'un, xchi te Jesús.

San Mateo 21:46

La snopic bin ya yut ya stsaquic, pero la xi'ic te slumalic, como sch'uhunejic te ha jalwanej te Jesús.