San Mateo 21:35 - Bible in Tzeltal Bachajón

³⁵ Pero te j'a'teletic la stsaquic te a'batetic, la smajic te jtuhle, ay yan la smilic, soc la sch'ojic ta ton te yane.

Nuevo Testamento Tzeltal de Amatenango

³⁵ Te jꞌaꞌteletike la stsakik te jmantaletike, la smajik te jtule, jtul a milik, y jtul a swolik ta ton.

Bible in Tzeltal de Oxchuc y Tenejapa

³⁵ In te j'at'eletique la stsaquic te abatetique. Jtul la smajic, jtul la smilic, soc jtul la xch'ojic ta ton.

San Mateo 21:35 Referans Kwoze

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

San Mateo 5:12

Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

2 Crónicas 16:10

Te Asa ilin yu'un ta stojol te jalwanej, la yotses ta cárcel, como c'ax bayel ilin yu'un. Soc ta hich ora te Asa ay mach'atic yu'un te pueblo te la yuts'inlan.

1 Reyes 22:24

Te Sedequías snich'an Quenaana nohpoj tal, la smaj ta scho te Micaías, hich la yalbe: ¿Bin ut'il ay a te loc' ta jtojol te espíritu yu'un Jehová, te baht sc'oponat te ha'ate? xchi.

1 Reyes 19:10

La sjac' te Elías: Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ya smilonic, xchi.

1 Reyes 19:2

Te Jezabel la sticon ta halbeyel te Elías: Hich me ac'a spasbon te diosetic, soc c'ax to xan hich a, teme pajel ta hichilan ora ma hichuc ya jpasbat te bin ut'il la apasticlambe te jalwanejetic, la yut.

1 Reyes 18:13

¿Ma bal ayuc awa'iyej te bin la jpas te c'alal hahch smilticlan te jalwanejetic yu'un Jehová te Jezabel, te la jquic' bahel ho'winic (100) ta tuhl jalwanejetic yu'un Dios, lajlajuneb yoxwinic (50) la jnac'ticlan ta ch'en, soc te la jcac'ticlambeyic pan soc ha'?

1 Reyes 18:4

Como te c'alal te Jezabel hahch smilticlan te jalwanejetic yu'un Jehová, te Abdías la yic' bahel ho'winic (100) ta tuhl jalwanejetic, lajlajuneb yoxwinic (50) ta tuhl la snac'ticlan ta ch'en, soc la yac'ticlambe pan soc ha'.

Jeremías 26:8

C'alal laj yo'tan te Jeremías ta yalel spisil bintic halbot ta mandar yu'un Jehová, te sacerdotehetic, te jalwanejetic soc spisil te pueblo la stsaquic, hich la yalic: ¡Ya me xlajat!

Jeremías 37:15

Te príncipaletic ilinic ta stojol Jeremías, la smajic soc la yaq'uic ta chuquel ta sna Jonatán te jts'ihbajel, te c'atp'ujem ta cárcel te snahe.

San Mateo 21:34

C'alal nopol ya stahix yorahil ya xc'anub sit a, la sticon tal a'batetic yu'un ta stojol te j'a'teletic yu'un ya yich'be te site.

San Mateo 21:36

La scha'ticon xan yan a'batetic yu'un, c'ax hich a te bin ut'il ta nahil to; pero ha nix hich la spasbeyic.