San Mateo 21:34 - Bible in Tzeltal Bachajón

³⁴ C'alal nopol ya stahix yorahil ya xc'anub sit a, la sticon tal a'batetic yu'un ta stojol te j'a'teletic yu'un ya yich'be te site.

Nuevo Testamento Tzeltal de Amatenango

³⁴ “Kꞌalal la staix yora ta tulel sit te yubae, la stikon yaj-mantal ta skꞌanel ta stojolik te jayeb slojkꞌil te slume.

Bible in Tzeltal de Oxchuc y Tenejapa

³⁴ “C'alal la staix yorail ta tulel sit te sts'usube, la sticun abatetic ta c'anel tel te jayeb ya xc'ot ta swenta te sts'usube.

San Mateo 21:34 Referans Kwoze

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

San Mateo 22:3

La sticon bahel te a'batetic yu'un ta yiq'uel tal te mach'atic ic'bilic ta yilel te nuhpunel, pero ma ba la sc'an talic.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

San Mateo 21:35

Pero te j'a'teletic la stsaquic te a'batetic, la smajic te jtuhle, ay yan la smilic, soc la sch'ojic ta ton te yane.

San Mateo 21:38

Pero te j'a'teletic c'alal la yilbeyic te snich'an, hich la yalbe sbahic: Ha ini te ya xbaht yich' te q'uinale. La'ic, jmiltic, hich ya quich'betic te sq'uinale, xchihic.

San Mateo 21:40

Te c'alal ya suht tal te yajwal te ts'usubil, ¿bin ya spasbe te j'a'teletic? xchi te Jesús.

San Mateo 21:41

La sjaq'uic: Mayuc sc'uxul yo'tan ya me slajin te mach'atic chopolic, ya me yac' ta majanel yu'un yantic j'a'teletic te ya ya'beyic stuquel te sit sts'usubil te c'alal ya sta yorahil, xchihic.

San Marcos 12:1

Hich te Jesús hahch yalbe ya'iyic sloc'ombahil c'op: Ay jtuhl winic la sts'un ts'usubiltic, la sjoy ta corral, la shotbe sp'e'ojibal, la spas toyol ilo-q'uinal, soc la yac' ta majanel yu'un j'a'teletic; baht ta namal.

San Marcos 12:7

Pero te j'a'teletic hich la yalbe sbahic: Ha'ix te mach'a ya yich' hilel te q'uinale; la'ic, ya jmiltic, hich ya quich'tic te q'uinale, xchihic.

San Marcos 12:9

¿Bin ya spas yu'un te yajwal te ts'usubiltic? Ya me xtal smil te j'a'teletic soc ya ya'be yantic te sts'usubile.

San Lucas 20:9

Te Jesús hahch yalbe te ants-winiquetic te sloc'ombahil c'op ini: Ay jtuhl winic te la sts'un ts'usubiltic, la yac' hilel ta majanel yu'un j'a'teletic, hich baht, halaj tey a.