San Mateo 21:10 - Bible in Tzeltal Bachajón

¹⁰ C'alal och bahel ta Jerusalén te Jesús, xjuyetic hahchel ta c'op yu'un spisil te pueblo, hich la yalic: ¿Mach'a a ini? xchihic yu'un.

Nuevo Testamento Tzeltal de Amatenango

¹⁰ Te kꞌalal och bael ta Jerusalen te Jesuse, xchꞌeꞌet nax lijkel spisil te jtejklume. Ben bayal machꞌa a sjojkꞌoy: —¿Machꞌa me a to? —xchiik.

Bible in Tzeltal de Oxchuc y Tenejapa

¹⁰ C'alal och bael Jesús ta lum Jerusalén, xch'inch'on nax jajch'el spisil te lume. La sjojc'oyic: —¿Mach'a a me to? —xiic.

San Mateo 21:10 Referans Kwoze

Hechos 9:5

La yal te Saulo: ¿Mach'ayat a, Cajwal? xchi. Ho'on Jesuson te yac acontrahimbelon; ay awocol yu'un te yac alom ta teq'uel te sni'il te stijojbil wacax, xchi.

San Lucas 9:9

La yal te Herodes: Ho'on la jcac' ta xot'beyel loq'uel sjol te Juan; ¿mach'a a hiche te yac spasticlambel te bintic ya ca'iy ini? xchi. Yo'tan ayuc bin ut'il ya yil.

San Lucas 7:49

Te mach'atic ayic ta mesa soc, talel c'axel hahch yalbe sbahic: ¿Mach'a a ini te ha nix hich ya spas perdón te muliletic? xchihic.

San Lucas 5:21

Ha yu'un te escribanohetic soc te fariseohetic hahch snop ta yo'tanic: ¿Mach'a a ini te ya sbohlc'optay te Diose? Ha nax Dios ya xhu' ya spas perdón yu'un mulil, xchihic.

Isaías 63:1

¿Mach'a a ini te yac ta talel ta Edom, ta Bosra, te slapoj tsajal cu'ul? ¿Mach'a a ini te buen t'ujbil sc'u' slapoj, te yac ta behel soc smuc'ul yip? Ho'on me, te toj ya xc'opojon, te ay cu'el ta coltaywanej.

Cantares 3:6

¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?

1 Samuel 16:4

Hich la spas te Samuel te bin ut'il halbot yu'un Jehová. C'alal c'oht ta Belén, te mamaletic yu'un te pueblo loq'uic tal ta stahel soc xiwel, hich la yalic: ¿Scuenta bal lamal-o'tanil te talate? xchihic.

Rut 1:19

Hich hahchic ta behel schebalic ha to c'alal c'ohtic ta Belén. C'alal ochic bahel ta Belén, bayel c'opoj yo'tanic yu'un spisil te pueblo, hich la yalic te antsetic: ¿Ma bal ha'uc te Noemí ini? xchihic yu'un.

San Juan 2:18

La sjaq'uic te judíohetic: ¿Bin seña yac awac' quilcotic te ay awa'tel ta spasel ini? la yutic.

San Lucas 20:2

hich c'oht yalbeyic: Hala ca'iycotic, ¿bin awa'tel awich'oj ta spasel te bin yac apasbele? ¿Mach'a la ya'bat awa'tel? xchihic.

San Mateo 2:3

C'alal hich la ya'iy te ajwalil Herodes, hahch na'etel yu'un soc spisil Jerusalén.

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

San Mateo 21:11

Hich la yalic te ants-winiquetic: Ha te Jesús, te jalwanej te talem ta Nazaret ta sq'uinal Galilea, xchihic.