San Mateo 21:1 - Bible in Tzeltal Bachajón

¹ C'alal nopol ya xc'ohtiquix ta Jerusalén, te hulic ta Betfagé ta wits yu'un Olivohetic, te Jesús la sticon bahel cheb jnopojeletic yu'un,

Nuevo Testamento Tzeltal de Amatenango

¹ Nopol xkꞌotikix ta Jerusalen a, och kꞌoel ta chꞌin jtejklum Betfage sbiil te ba wits Olivailtike. Te Jesuse la stikon bael chaꞌtul te jnopojeletik yuꞌune.

Bible in Tzeltal de Oxchuc y Tenejapa

¹ Nopol xc'otiquix ta Jerusalén a, c'otic ta ch'in lum Betfagé te ay ta bay te Wits Olivailtique. Te Jesús la sticun bael cha'tul te jnopojeletic yu'une:

San Mateo 21:1 Referans Kwoze

Zacarías 14:4

Ta hich ora ya stehc'an sba ta Wits yu'un Olivohetic, te snuhp'usitayej sba soc Jerusalén ta stojol banti ya xloc' tal c'ahc'al. Ya xtop' ta ohlil te Wits yu'un Olivohetic, ta stojol banti ya xloc' tal c'ahc'al c'alal ta stojol smahlib c'ahc'al, ha muc'ul spamlej ya xc'oht a. Te j'ohlil wits ya xbaht ta stojol norte, te j'ohlil xan ya xbaht ta stojol sur.

San Juan 8:1

Te Jesús baht ta Wits yu'un Olivohetic.

San Lucas 21:37

Jujun c'ahc'al la ya'iy p'ijubteswanej ta Templo te Jesús, ta ahc'abal loc' bahel, baht ta wayel ta Wits yu'un Olivohetic sbihil.

San Mateo 26:30

C'alal laj yo'tanic ta c'ayoj, bahtic ta wits yu'un Olivohetic.

San Mateo 24:3

C'alal hucul ta Wits yu'un Olivohetic a te Jesús, stuquel nohpojic tal te jnopojeletic, hich la yalbeyic: Hala ca'iycotic, ¿bin ora ya xc'oht ta pasel ini soc bin señahil yu'un te ya xtalat soc yu'un te slajibal c'ahc'al? xchihic.

Hechos 1:12

Hich loq'uic bahel ta wits yu'un Olivohetic sbihil, suhtic ta Jerusalén, nopol yiloj sbahic, hich snamalil te bin ut'il ya xhu' ya xbehenic ta sc'ahc'alel cux-o'tan.

San Lucas 22:39

Loc' bahel te Jesús, baht ta Wits yu'un Olivohetic, hich bin ut'il c'ahyem ta spasel; soc t'unot bahel yu'un te jnopojeletic yu'un.

San Marcos 14:26

C'alal laj yo'tanic ta sc'ayojtayel sc'ayoj Dios a, loq'uic bahel, bahtic ta Wits yu'un Olivohetic.

San Mateo 20:34

Te Jesús la sna'be yo'bolil sbahic, la spicbe te sitic, hich la yilic q'uinal ta ora soc la st'unic bahel.

San Mateo 21:2

hich la yalbe bahel: Bahanic ta tut pueblo te chican ta ilel yac awilic, tey chucul ya xc'oht atahic jcoht burra a soc yal. Tilahic, ic'bonic tal.

San Marcos 13:3

Te Jesús la shuhcan sba ta Wits yu'un Olivohetic ta banti snuhp'usitayej sba soc te Templo. Te Pedro, Jacobo, Juan soc Andrés stuquelic la sjoc'obeyic: