San Mateo 20:8 - Bible in Tzeltal Bachajón

⁸ C'alal mahlix c'ahc'al a, te yajwal te ts'usubil la yalbe te mayordomo yu'un: Ic'ticlana tal te j'a'teletic, tojbeya te ya'telic, ha nahil yac atoj te mach'atic patilix hahchic ta a'tel, ha patil te mach'atic nahil hahchic ta a'tel, xchi.

Nuevo Testamento Tzeltal de Amatenango

⁸ “Te kꞌalal sutꞌetix a te kꞌinale te yajwal pinkae la yalbe te yaj-kaporale: “Ikꞌa tal te jꞌatꞌeletike y tojtalana. Tojtalana nailuk te machꞌatik patil a och ta aꞌtele. Patil ya atojtalan te machꞌa nail a och ta aꞌtele”, xyut.

Bible in Tzeltal de Oxchuc y Tenejapa

⁸ “C'alal x'ametix q'uinal a te yajwal at'ele la yalbey te mayordomoe: “Ic'a tel te j'at'eletique. Ac'beya stojolic. Ac'beya stojol neeluc te mach'atic patil ochic ta at'ele. Ja' me slajibal ya atoj te mach'a neel ochic ta at'ele”, la yut.

San Mateo 20:8 Referans Kwoze

Deuteronomio 24:15

Ta sc'ahc'alel nix ya me atojbe te ya'tele, ma me mahluquix c'ahc'al a te yac atoj, como pobre, ha ya xcuxaj a; scuenta yu'un ma ba ya x'awon ta stojol Jehová ta acontra, te hich yac ata amul a.

1 Pedro 4:10

Te mahtanil a'bot yu'un Dios ta jtuhlutuhl, tuhunahic ta stojol yantic scuenta lequil jcanan yu'un te bayel ta chahp mahtaniletic ya yac' te Diose.

Hebreos 9:28

ha nix hich te Cristo, jmehl nax la yac' sba ta lajel yu'un sch'aybeyel smul tsobolic; soc ya xcha'tal xan, pero ma yu'unuc sch'ayel mulil, ha ya xtal scoltay te mach'atic yac smahliybelic.

Tito 1:7

Te anciano ya sc'an te mayuc bin ya sutot ta c'op yu'un, como ha scuentahinej te bin ay yu'un Dios; ma sc'an te ya stoy sba, te ya x'ilin ta ora, ya sc'an te ma xya'iy yacubel, ma ba ya shach c'op, ma ba ya sbic'sitay te bin ma stojiluc ta stahel taq'uin.

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

San Lucas 12:42

Hich halbot yu'un te Cajwaltic: ¿Mach'a a te jcanan te jun yo'tan soc te ay sp'ijil yo'tan, te ha ya x'a'bot scuentahimbe te a'batetic yu'un te yajwal scuenta yu'un ya spucbe bin ya xtuhun yu'unic ta yorahil?

San Lucas 10:7

Hilanic tey a, we'anic uch'anic te bin ya x'a'botex, como te j'a'tele hich ya sc'an te ya yich' tojele. Ma me x'ochex meletel ta nahnatic.

San Lucas 8:3

soc te Juana te yihnam Chuza te scuentahimbeyej sna Herodes, soc te Susana, soc tsobol yantic antsetic te la scoltayic te Jesús yu'un te bintic ay yu'unique.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

San Mateo 25:19

Bayel c'ahc'al ta patil suht tal te yajwalic, hul schahpan te cuentahatic soc te a'batetic yu'une.

Levítico 19:13

Ma xawuts'in apat-axuhc soc ma xawelc'ambe te sbiluque. Ma pajeluc to yac atojbe ya'tel te mach'a ya x'a'tej awu'un.

Génesis 43:19

Ha yu'un nohpojic bahel ta stojol te mayordomo yu'un te sna José, la sjuquic ta c'op ta yochibal te na,

Génesis 15:2

La sjac' te Abram: Cajwal Jehová, ¿bin yac awa'bon te bin ut'il mayuc jnich'an? Te mach'a ya yich'bon te bintic ay cu'un, ha te Eliezer te talem ta Damasco, xchi.

San Mateo 20:7

Yu'un mayuc mach'a la yic'otcotic ta a'tel, xchihic. Bahanic ta jts'usubil, ya me awich'ic te bin ut'il ay te tojele, xchi.

San Mateo 20:9

C'alal talic te mach'atic bahtic ta ho'eb ora suhtel te c'ahc'ale, la yich'ic jujun denario jujutuhl.

Rut 2:6

Hich la sjac' te ya'bat: Ha moab-ach'ix te suht loq'uel tal soc Noemí ta sq'uinal Moab.