San Mateo 20:30 - Bible in Tzeltal Bachajón

³⁰ Ay cheb ts'o'sitetic huculic ta ti'be, c'alal la ya'iyic te ha te Jesús te yac ta c'axel, hich la yawtayic: ¡Cajwal, Snich'anat David, c'uxultayawotcotic! xchihic ta aw.

Nuevo Testamento Tzeltal de Amatenango

³⁰ Ay cheb choketik nakajtik ta tiꞌbe. Kꞌalal la yaꞌiybeyik sluwar te yipal kꞌael ta kꞌaxel teꞌa te Jesuse, lijk yawutayik: —¡Kajwal, te stsꞌumbalat jDavide, kꞌuxtayaotik! —xchiik.

Bible in Tzeltal de Oxchuc y Tenejapa

³⁰ Ay cheb ma'sitetic nacalic tey a ta bay te ti'bee. C'alal la yaiyic stojol te yaquix ta c'axel bael tey a te Jesuse, jajch' yawtayic: —¡Cajwal, te sts'umbalat Davide, c'uxtayawotic! —xiic.

San Mateo 20:30 Referans Kwoze

San Marcos 10:46

C'ohtic ta Jericó. C'alal loq'uelic yac ta Jericó te Jesús soc te jnopojeletic yu'un soc tsobol ants-winiquetic, ay jtuhl ts'o'sit, Bartimeo snich'an Timeo, hucul ta ti'be ta c'ambajel.

San Mateo 22:42

¿Bin xchihex yu'un te Cristo, mach'a snich'an? xchi. Ha Snich'an David, xchihic.

San Mateo 21:14

Tey ta Templo tal ts'o'sitetic soc coxo'etic ta stojol Jesús, la slecubteslan.

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

Hechos 2:30

Pero te bin ut'il ha jalwanej, sna'oj te halbil ta jamal yu'un Dios te ay sts'umbal te ya xhuhcaj ta shuctajib.

San Lucas 7:21

Ha yorahil a te la slecubteslan bayel ta chahp jchameletic, soc la sloq'ueslan bohl espírituhetic, soc ay bayel ts'o'sitetic te la sjamticlambe sitic.

San Lucas 4:18

Ha scuentahinejon te Espíritu yu'un te Cajwaltic, como tsahbilon yu'un yalel te lec yach'il c'op ta stojol te pobrehetique. Sticonejon tal ta scoltayel te mach'atic pich'il yo'tanic, ta yalel te libre ayic te mach'atic chuculic, soc ta sjambeyel sit ts'o'sitetic, sticonejon ta yaq'uel ta libre te mach'atic tembilic ta mosohinel,

San Mateo 15:22

Ay jtuhl Cananea-ants te tey hahchem talel a, tal yawtay te Jesús: ¡Cajwal, Snich'anat David, c'uxultayawon! Bayel yac ta uts'inel yu'un pucuj te cantsil-al, xchi.

Isaías 59:10

Xpicponotic ta pahc' hich te bin ut'il ts'o'sitetic, yacotic na'etel bahel hich te bin ut'il te mach'atic mayuc sitic. Ya jc'ohchin coctic ta ohlil c'ahc'al hich te bin ut'il ta ahc'abal; ayotic ta yihc'al q'uinal hich te bin ut'il mach'atic chamenic.

Isaías 42:18

¡Cohquetic, a'iya awa'iyic; ha'ex ts'ositetic, ilawilic ta lec!

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Isaías 29:18

Ta hich ora te cohquetic ya ya'iyic bin ya yal ta balbil hun, soc te jts'o'sitetic ya x'ilawanic ta yohlil te yihc'al q'uinal soc ta ahc'abal.

Salmos 146:8

te Jehová ya sjambe sit te ts'o'sitetic; te Jehová ya stij hahchel te mach'atic nijajtic; te Jehová c'ux ta yo'tan te mach'atic toj yo'tanique.

San Mateo 13:4

Te c'alal yac ta slihlinel, ay c'oht ta ti'be, tal ta biq'uel yu'un ha'mal mutetic.

San Mateo 20:31

Comotic yu'un te mach'atic tey ayic a te yacuc sch'abic, pero tulan xan awonic: ¡Cajwal, Snich'anat David, c'uxultayawotcotic! xchihic.