San Mateo 20:22 - Bible in Tzeltal Bachajón

²² La sjac' te Jesús: Ma xana'ic bin yac ac'ambelic. ¿Ya bal xhu' awu'unic yuch'el te vaso te ho'on ya xbaht cuch', soc ya bal xcuhch awu'unic teme hich ya xc'oht ta acuentahic te bin ya xc'oht ta jcuenta te ho'one? xchi sc'oblalic. Yac, ya xhu' cu'uncotic, xchihic.

Nuevo Testamento Tzeltal de Amatenango

²² La sjakꞌbe te Jesuse: —Ma xꞌanaꞌbe sluwar te tut ya akꞌanike. ¿Meꞌn ya wan xjuꞌ awuꞌunik te wokol te ya yaꞌbelone sok te ilbajinel te ya kichꞌ te joꞌone? —xchi. La yalik: —Yak. Ya xjuꞌ kuꞌuntik —xchiik.

Bible in Tzeltal de Oxchuc y Tenejapa

²² Te Jesús la yalbey: —Ma x'ana'bey swentail te bila ya ac'ane. ¿Ya bal xju' awu'unic uuc te woclajel ya x'ac'botone? ¿Soc ya bal xju' awu'unic uuc te uts'inel ya quich' te jo'one? —xi'. La yalic: —Yac, ya xju' cu'untic uuc —xiic.

San Mateo 20:22 Referans Kwoze

San Lucas 22:42

hich la yal: Jtat, teme hich ya sc'an awo'tan, ma me xc'oht ta jcuenta te copa ini; pero ma me ha'uc ya xc'oht ta pasel te bin ya sc'an co'tan ho'on, ha ac'a c'ohtuc ta pasel te bin ya sc'an awo'tan te ha'ate, xchi.

San Mateo 26:42

Cha'baht xan ta sc'oponel Dios scuenta schebal buelta, hich la yal: Jtat, teme ma spas te ya xc'ax bahel ta jtojol te copa ini, teme ya sc'an ya cuch', hichuc, ac'a c'ohtuc ta pasel te bin ya sc'an awo'tan, xchi.

San Juan 18:11

Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

San Marcos 14:36

Hich la yal: Abba, Jtat, spisil ya xhu' awu'un; loq'uesa ta jtojol te taza ini; pero ma ha'uc te bin ya sc'an co'tan, ac'a c'ohtuc ta pasel te bin ya sc'an awo'tan atuquel, xchi.

San Mateo 26:39

Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

Romanos 8:26

Ha nix hich ya scoltayotic te Espíritu te bin ut'il mayuc bin ya xhu' cu'untic, como ma jna'tic bin ya jc'ambetic te Diose, pero ha nix ya xc'opoj cu'untic te Espíritu soc ahcan te ma xweht bin ut'il ya yich' halele.

Isaías 51:22

Hich ya yal te Jehová te Ajwalil, te Dios awu'un, te ya xc'opoj ta scuenta te pueblo yu'une: Ilawil, la jloq'uesbat ta ac'ab te copa te la yac'at te ya xhanlajanat yu'un, mayuc bin ora yac awuch'ix xan te copa yu'un te quilimbahe.

Santiago 4:3

Yac ac'ambeyic, pero ma ba yac awich'ic, yu'un ma ba lec yac ac'ambeyic, ha nax yac ac'anic yu'un yac atuhunic yu'un te bintic ya smulan awo'tanique.

San Lucas 12:50

Pero ya sc'an te nahil ya xc'ax jwocol, soc ¡bayel jwocol ya ca'iy ha to c'alal ya xc'oht ta pasel!

Jeremías 49:12

Hich yaloj te Jehová: Te mach'atic ma ba a'botic yuch' te copa yu'un castigo, ya me yuch'ic. ¿Yu'un bal libre ya xhilat yu'un spisil? ¡Ma ba ya xhilat ta libre, ya me awuch'!

San Mateo 26:56

Pero ya xc'oht spisil ini scuenta yu'un ya xc'oht ta pasel te bin ts'ihbabil hilel yu'un te jalwanejetique, xchi. Hich spisil te jnopojeletic la yihquitayic, loq'uic ta ahnel.

Proverbios 16:18

Ha nahil te toybahil, patil te jinele, ha nahil te toybahil, patil te yahlele.

Salmos 75:3

Te c'alal ya xnihc te lumq'uinal soc te mach'atic nahinemic tey a, ho'on ya ca'be yip te yich'o-ipique. Selah

San Mateo 26:35

La sjac' te Pedro: Aunque pajal ya xlajotic, mayuc bin ora ya jmucat ta co'tan, xchi. Hich nix la yalic spisil te jnopojeletique.

Isaías 51:17

Wic'a asit, wic'a asit, hahchan, Jerusalén, ha'at te la awuch'be yilimba ta copa te ay ta sc'ab te Jehová, te la awuch' spisil te copa te ya yac' te xhanlajanic ya xbehenic yu'une.