San Mateo 20:2 - Bible in Tzeltal Bachajón

² La schap soc te j'a'teletic te jun denario ya stoj jun c'ahc'al, hich la sticonlan bahel ta sts'usubil.

Nuevo Testamento Tzeltal de Amatenango

² La xchap sok te yaj-aꞌtele te ya xtojtalanot jun denario-takꞌin te jun kꞌaale, y la stikonlan bael ta aꞌtel te ba ay te yubailtike.

Bible in Tzeltal de Oxchuc y Tenejapa

² La xchap soc te j'at'eletic yu'une te ya stoj jun denario-taq'uin te jun c'aale. Jich la sticun bael ta at'el ta bay te ts'usubiltic yu'une.

San Mateo 20:2 Referans Kwoze

Apocalipsis 6:6

La jca'iy ay mach'a c'opoj ta yohlil te chaneb bintic cuxajtic, te hich la yal: Jun denario stojol te jun litro trigo, soc jun denario stojol te oxeb litro cebada, pero ma me xawixtalan te aceite soc te vino, xchi.

2 Timoteo 3:15

soc te ta awalalil to ana'oj bin ts'ihbabil ta sch'ul Shun Dios, te ha ya xhu' ya ya'bat ap'ijil scuenta colel ta scuenta sch'uhunel awo'tan ta stojol Cristo Jesús.

San Lucas 10:35

Ta schebal c'ahc'al la sloq'ues cheb denario, la ya'be te yajwal wayinajibal na, hich la yal: Canantaybon, soc teme c'ax hich ya xlaj awu'un a ya jsutbat c'alal ya suhton tal, xchi.

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

San Mateo 22:19

A'bonic quil te taq'uin yu'un patanil, xchi. La ya'beyic yil jun denario.

San Mateo 20:13

Te yajwal hich la yalbe te jtuhle: Amigo, mayuc bin ma stojiluc la jpasbat. ¿Ma bal lajuc jchaptic te ya jtojat jun denario?

San Mateo 18:28

Pero c'alal loc' bahel te a'bate, la sta jtuhl smohlol ta a'batil te ay ho'winic (100) denario sbet yu'un; c'oht stsac, la spit' ta snuc', la yalbe: Tojbon te abete, la yut.

Eclesiastés 12:1

Na'a me te Jpaswanej awu'un ta yorahil te jcolel al-nich'anat, te c'alal ma to ba stahoj sc'ahc'alel wocol, soc te ya xc'oht yorahil te hich yac awal: Mayuc yutsilal ya ca'iy, te xchihate;

2 Crónicas 34:3

Ta swaxaquebal ha'bil yochel ta ajwalil a, querem to a, hahch ta slehel te Dios yu'un te David te state. Ta slahchayebal (12) ha'bil hahch ta sloq'uesel ta Judá soc ta Jerusalén te toyol awilaletic, te loc'ombahetic yu'un Asera, te bintic yan loc'taylambil, soc te loc'ombahetic pasbilic ta uhltesbil taq'uin.

1 Reyes 18:12

Te c'alal yacon ta bahel a, ma jna' banti ya yic'at bahel te espíritu yu'un Jehová. Te c'alal ya calbe ya'iy te Acab, teme ma ba ya stahat, hich ya smilon. Pero te a'bat awu'un yich'oj ta muc' te Jehová c'alal ta squeremil.

1 Samuel 3:21

Te Jehová yan buelta la yac' sba ta ilel ta Silo; como tey ta Silo ya yac' sba ta na'el ta stojol Samuel te sc'op Jehová.

1 Samuel 3:1

Te querem Samuel la yac' sba ta a'batinel yu'un Jehová ta stojol Elí. Ha yorahil a te ma ba nopic tal te sc'op Jehová soc te bin ya x'a'bot yil ta nahalsit.

1 Samuel 2:26

Yan te querem Samuel xquechcon ta muc'ubel soc lec sc'oblal yac ta c'ohel ta stojol Dios soc ta stojol te ants-winiquetique.

1 Samuel 2:18

Te querem Samuel yac yac'bel sba ta a'batinel ta stojol Jehová, sc'u'inej efod pasbil ta lino-pac'.

San Mateo 9:37

Ha yu'un la yalbe te jnopojeletic yu'un: Melel bayel te sit awal-ts'unubil, pero mayuc tsobol te j'a'teletique.

San Mateo 20:1

Te cuentahinel yu'un te ch'ulchan hich c'ohem te bin ut'il jtuhl yajwal q'uinal te loc' bahel ta sab ta slehel j'a'teletic yu'un sts'usubil.

San Mateo 20:3

Ta yoxebal ora sacubel q'uinal a loc' xan bahel, ay yantic la yil ta plaza te mayuc ya'telic,

San Marcos 12:15

Pero te Jesús la sna' te cheb yo'tanic, hich la yalbe: ¿Bin yu'un yac atsajonic? Ich'bonic tal quil jsehp denario, xchi.

San Lucas 20:24

A'bonic quil junuc denario. ¿Mach'a sloc'omba soc mach'a sbihil ini? xchi. Ha yu'un César, xchihic.

San Mateo 20:9

C'alal talic te mach'atic bahtic ta ho'eb ora suhtel te c'ahc'ale, la yich'ic jujun denario jujutuhl.