San Mateo 20:14 - Bible in Tzeltal Bachajón

¹⁴ Ich'a te atojole, bahanix; ya jc'an te pajal ya ca'bat soc te mach'a patilix tale.

Nuevo Testamento Tzeltal de Amatenango

¹⁴ Ichꞌa bael te atojole y baan. Te joꞌone jich a skꞌan koꞌtan te jich a jtoj te machꞌa patil a och ta aꞌtele, jich tutꞌil te la kaꞌbeyat te jaꞌate.

Bible in Tzeltal de Oxchuc y Tenejapa

¹⁴ Ich'a te atojole, baan. Te jo'one jich la sc'an co'tan te jich nix ya cac'bey uuc te mach'a slajibal tale jich te bit'il la cac'bat te ja'ate.

San Mateo 20:14 Referans Kwoze

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Lucas 15:31

Ha yu'un hich la yal te state: Jnich'an, spisil ora joquinejat, soc ha'at awu'un spisil bintic ay cu'un.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Romanos 3:4

¡Ban c'an hichuc! Dios spisil ora ya spas te bin smelelil, ha jlotetic spisil ants-winiquetic; como hich ts'ihbabil: Scuenta yu'un ya xchicnaj te toj ayat ta scuenta bintic yac awal, soc te yac awa'iy tsalaw c'alal ya x'ich'otat ta c'op, te xchihe.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Mateo 6:6

Yan te ha'ate, c'alal yac ac'opon Dios, ochan ta yutil ana, maca te ti'nahil soc c'opona te Atat te ma chicanuc ta ilele. Te Atat te ya yil te bin muquen yac apas, ya ya'bat amahtan ta comonsitil.

San Mateo 6:2

C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

2 Reyes 10:16

hich la yalbe: Joquinawon, ya me awilbon te xut'et co'tan ta spasel te bin ya sc'an te Jehová, xchi. Hich la yic' ochel ta scarreta.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Mateo 20:13

Te yajwal hich la yalbe te jtuhle: Amigo, mayuc bin ma stojiluc la jpasbat. ¿Ma bal lajuc jchaptic te ya jtojat jun denario?

San Mateo 20:15

¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.