San Mateo 2:7 - Bible in Tzeltal Bachajón

⁷ Ha yu'un te Herodes la sticon ta iq'uel tal ta muquen te p'ijil winiquetic, la sjoc'oy ya'iy ta lec bin ora chicnaj te eq'ue.

Nuevo Testamento Tzeltal de Amatenango

⁷ Jich te Herodese mukul nax a yikꞌ tal te pꞌijil winketike y la sjojkꞌobe lek te tut ora chiknaj te ekꞌe.

Bible in Tzeltal de Oxchuc y Tenejapa

⁷ Jich te Herodese muquen la yic' tel te p'ijil winiquetique. La sjojc'obey yaiy ta lec te bi ora chicnaj te eq'ue.

San Mateo 2:7 Referans Kwoze

Salmos 55:21

Buen c'un ta a'iyel te sc'op, c'ax hich a te bin ut'il mantequilla, pero ay guerra ta yo'tan; c'un te sc'ope, c'ax hich a te bin ut'il aceite, pero hich c'ohemic te bin ut'il espadahetic loq'uesbilic ta sna.

1 Samuel 18:21

Hich la yal ta yo'tan te Saúl: Ya ca'be yic', pero ha syacojibal ya xc'oht, yu'un ha ya x'och ta sc'ab te filisteohetic, xchi. Ha yu'un te Saúl la yalbe te David scuenta schebal buelta: Jni'al me ya xc'ohat yo'tic, xchi.

Éxodo 1:10

Ha yu'un ya jnoptic bin ya jpasbetic scuenta yu'un ma ba ya xp'ohlic a, soc teme ay ya xtal guerra, teme ya sjoquinic te jcontratic yu'un ya ya'botic guerra, hich ya xloq'uic bahel ta q'uinal, xchi.

Apocalipsis 12:15

Te chan la smal loq'uel ha' ta ye hich te bin ut'il muc'ul-ha', ta banti baht te ants, yu'un yacuc xbaht ta ehanel ta ha'.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

San Mateo 2:1

C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

San Mateo 2:8

La sticon bahel ta Belén, hich la yalbe bahel: Bahanic tey a, soc joc'oyahic ta lec banti ay te alale. Te c'alal yac atahic, a'bonic jna' scuenta yu'un ha nix hichon ya xbaht jch'uhuntay, xchi.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Hechos 24:22

C'alal hich la ya'iy te Félix, te bin ut'il sna'oj ta lec bin ut'il ay te Be, la smac ta c'op, hich la yal: Te c'alal ya xtal te comandante Lisias, ya jlajin schahpanel te c'op awu'un, xchi.