San Mateo 2:16 - Bible in Tzeltal Bachajón

¹⁶ Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Nuevo Testamento Tzeltal de Amatenango

¹⁶ Kꞌalal la snaꞌ te Herodese te loꞌlayot yuꞌun te pꞌijil winketike, ma jtebuk a ilin yuꞌun. La yal mantal te ya xba milek spisil te chꞌin kermetike te chebcheb jabil yaꞌbilalike sok te ma to xlokꞌ cheb jaꞌbil yaꞌbilalike te ayik ta Belen sok ta sjoylejal. Jaꞌ a snaꞌik te tut ora albot yuꞌun te pꞌijil winketike.

Bible in Tzeltal de Oxchuc y Tenejapa

¹⁶ Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

San Mateo 2:16 Referans Kwoze

Isaías 59:7

Te yoquic ya x'ahnimajic ta stojol te bin chopol, ya suj sbahic ta smalbeyel sch'ich'el te mach'a mayuc smul. Te bin snopojic, ha te bin chopol, ay jinel soc lajinel ta behetic yu'unic.

Proverbios 28:15

Pajal soc choj te ya x'awon soc oso te ay swi'nal, hich ay te mach'a chopol yo'tan te ya scuentahin te pueblo te pobre aye.

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Oseas 10:14

ya xhahch juyetel ta pueblohetic awu'un, soc ya xjihn spisil te ahnibal ts'ahquetic awu'une, hich te bin ut'il te Salmán la sjin te Bet-arbel ta yorahil guerra, te c'alal la yich'ic butsticlanel te naniletic soc te yalataque.

Daniel 3:13

Ha yu'un te Nabucodonosor soc yilimba soc sc'ahc'al yo'tan la yal te ya x'ic'bot tal te Sadrac, Mesac soc Abed-nego. Ha yu'un ic'otic tal ta stojol ta ora.

Isaías 26:21

Ilawil, te Jehová ya xloc' tal ta banti nahinem yu'un ya ya'be castigo yu'un smulic te mach'atic nahinemic ta bahlumilal. Te lumq'uinal ya yac' ta ilel te ch'ich' malbil tey a; ma ba ya smuquix xan te mach'atic la yich'ic milel tey a.

2 Reyes 8:12

¿Bin yu'un ya x'oc' te cajwal? xchi te Hazael. La yal te Eliseo: Yu'un ya jna' te bin chopol yac apasbe te Israel. Yac achic'be te pueblohetic yu'unic te joybilic ta ts'ahc, yac amilticlambe ta espada te ach'ix-queremetic yu'unic, yac amajticlambe ta lum te alaletic yu'unic soc yac ajamticlambe sch'uhtic te antsetic swoloj yalic, xchi.

Jueces 16:10

Te Dalila hich la yalbe te Sansón: La alabanon, la alo'loyon. Awocoluc, halbon ca'iy bin ut'il ya xhu' te yac awich' chuquel, xchi.

Génesis 49:7

Bohlobuc me sc'oblal te yilimbahic te c'ax jelawix, soc te sc'ahc'alic te mero tulan. Parte ya cac'ticlan ta yohlil Jacob, ya jpucticlan ta yohlil Israel.

Proverbios 28:17

Te mach'a ay swocol ta scaj smilaw, ya x'ahn ha to c'alal ya xbaht ta muquenal; ma me ayuc mach'a ya xcoltayot yu'un.

Job 12:4

Ya stse'layon te camigotac; ho'on te ya jc'opon Dios soc ya sjac'bon, te toj co'tan soc lecon ta winiquil, ya quich' labanel.

Números 24:10

Ha yu'un te Balac bayel ilin ta stojol Balaam. La smajticlan sc'ab yu'un, hich la yalbe: La quic'at tal yu'un yac abohlobtesbe sc'oblal te jcontra, pero oxebix buelta la ac'ambe bendición.

Números 22:29

Te Balaam la sjac'be sc'op te burra: Yu'un la awac'on ta q'uexlal. ¡Te ayuc espada ta jc'ab, la jmilatix te hichuque! la yut.

Génesis 39:17

Ha nix hich la yalbe: Te awa'bat hebreo-winic te la awic' tal, tal ta jtojol yu'un ya c'an sjimbon jc'oblal;

Génesis 39:14

la yic' tal te yantic winiquetic te ay ta sna, hich la yalbe ya'iyic: Ilawilic, te jmamalal la yic'botic ochel tal jtuhl hebreo yu'un ya stse'layotic. Tal ta jtojol yu'un ya c'an sjoquinon ta wayel, pero tulan awonon.

San Mateo 2:1

C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

San Mateo 2:7

Ha yu'un te Herodes la sticon ta iq'uel tal ta muquen te p'ijil winiquetic, la sjoc'oy ya'iy ta lec bin ora chicnaj te eq'ue.

San Mateo 2:17

Hich c'oht ta pasel te bin yaloj te jalwanej Jeremías:

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.