San Mateo 2:13 - Bible in Tzeltal Bachajón

¹³ Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

Nuevo Testamento Tzeltal de Amatenango

¹³ Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

Bible in Tzeltal de Oxchuc y Tenejapa

¹³ Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

San Mateo 2:13 Referans Kwoze

Hechos 12:11

C'alal la sna' q'uinal te Pedro, hich la yal: La jna'ix te melel te Cajwaltic la sticon tal ch'ul a'bat yu'un soc la scoltayonix loq'uel ta sc'ab te Herodes soc spisil bintic yac smahliybel te judíohetic, xchi.

Hechos 10:7

C'alal baht te ch'ul a'bat te c'oponot yu'un, te Cornelio la yic' tal cheb a'batetic yu'un soc jtuhl soldado te jun yo'tan sch'uhunej Dios;

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe:

San Mateo 2:12

Pero a'bot sna'ic ta swayichic te manchuc ya suhtic ta stojol Herodes. Ha yu'un yanix be a te banti suhtic bahel ta slumalique.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

Éxodo 1:22

Ha yu'un te faraón la spas ta mandar spisil te pueblo yu'un: Ch'ojahic ochel ta muc'ul-ha' spisil te queremetic te ya x'ayinic, ac'a cuxajuc spisil te tut ach'ixetique, xchi.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Job 33:15

Ta wayichil, ta nahal sitil, te c'alal ya x'och swayel te winic, c'alal wayalix ta swayib a,

Job 33:17

scuenta yu'un ya ya'be yihquitay te bin yac ta spasel, soc yu'un ya yihquitay te stoybahil,

Josué 4:18

C'alal loq'uic tal ta yohlil Jordán te sacerdotehetic te sq'uechojic te scaxahul te chapbil-c'op, c'alal la steq'uic te taquin lumq'uinal, suht tal te ya'lel te muc'ul-ha' Jordán, oquin bahel soc mal loq'uel ta sti'il hich te bin ut'il ta nahil to.

Apocalipsis 12:14

Te ants a'bot cheb xic' muc'ul jxic scuenta yu'un hich ya xwihl loq'uel ta stojol te chan, ya xbaht ta jochol taquin q'uinal ta banti ya yich' mac'linel jun shalalil, cheb shalalil, soc j'ohlil shalalil.

Hechos 16:36

Te jcanan-cárcel hich la ya'be sna' te Pablo: Te juecetic la yaliquix mandar te ya xcolex; ha yu'un loc'anic bahel, lamaluc q'uinal ya xbahex, xchi.

Hechos 10:22

La sjaq'uic: Te Cornelio, te capitán-soldado te lec yo'tan ta winiquil soc yich'oj ta muc' te Dios, soc te lec sc'oblal ta stojol spisil te nación yu'un te judíohetic, pasot ta mandar yu'un jtuhl ch'ul a'bat te ya me xtalat ta sna scuenta yu'un ya ya'iybat ac'op, xchihic.

Hechos 7:19

Te ajwalil hahch slo'loy te pueblo cu'untic, la yuts'in te jme'jtatic, la ya'be yihquitayic te tut yal-snich'anic scuenta yu'un ya xlajic.

San Mateo 10:23

C'alal ya yuts'inex ta banti jun pueblo, ahnanic bahel ta yan pueblo. Como jamal ya calbeyex te ma to ba lajem abehentaybelic spisil a te pueblohetic yu'un Israel te ya xtal te Nich'anil ay ta scuenta winic.

Josué 3:17

Yan te sacerdotehetic te sq'uechojic te scaxahul te chapbil-c'op yu'un Jehová, teq'uelic ta staquin lumil ta yohlil te Jordán ha to c'alal sohlic bahel ta Jordán spisil te pueblo. Spisil Israel sohlic bahel ta staquin lumil.

Apocalipsis 12:6

Te ants ahn bahel ta jochol taquin q'uinal ta banti chahpambil yawil yu'un Dios, yu'un tey ya yich' mac'linel oxbahc' soc oxwinic (1,260) c'ahc'al a.

Josué 4:10

Te sacerdotehetic te la sq'uechic bahel te scaxahul te chapbil-c'op, tey tec'ajtic ta yohlil a te Jordán ha to c'alal c'oht ta pasel spisil bintic halbot yu'un Jehová te Josué te ya yalbe te pueblo; hich te bin ut'il spasot ta mandar yu'un Moisés te Josué. La suj sbahic sohlel te pueblohe.

Josué 3:13

Te c'alal ya stec' ochel te ya'lel Jordán te sacerdotehetic te sq'uechojic te scaxahul te chapbil-c'op yu'un Jehová, te Yajwal swohlol bahlumilal, ya me sjam sba te ha' yu'un Jordán, como te ha' te ya x'oquin tal ta ahc'ol ya xquehchaj ta oc, ya stsob hilel sba, xchi.

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

San Mateo 2:22

Pero te c'alal la ya'iy te ha Arquelao te la sjelolin ta ajwalil ta Judea te Herodes te state, la xi' te ya xbaht tey a. Pero ta swayich a'bot sna', hich baht ta sq'uinal Galilea,

1 Reyes 3:5

Ay jun ahc'abal ta Gabaón te chicnaj Jehová ta stojol Salomón ta swayich, hich halbot yu'un: C'ambon te bin yac ac'an, ho'on ya ca'bat, xchi sc'oblal.

San Mateo 2:14

C'alal cux yo'tan te José, ahc'abal to a la yic' bahel te alal soc te snan, bahtic ta Egipto.

Hechos 12:7

Repente nax c'oht stehc'an sba ch'ul a'bat yu'un te Cajwaltic, soc xlipet sts'anabul ta yutil te cárcel; c'oht stijbe smochbaquel te Pedro, hich la yal: Hahchan ta ora, xchi. Ora pohl hilel te cadenahetic chucticlambil sc'ab a.

1 Reyes 11:17

Pero te Hadad, te querem to a, baht ta ahnel ta Egipto soc cha'oxtuhl edom-winiquetic te ayic ta a'batinel yu'un te state.