San Mateo 2:12 - Bible in Tzeltal Bachajón

¹² Pero a'bot sna'ic ta swayichic te manchuc ya suhtic ta stojol Herodes. Ha yu'un yanix be a te banti suhtic bahel ta slumalique.

Nuevo Testamento Tzeltal de Amatenango

¹² Te kꞌalal laj sujtik bael ta slumalike maꞌ kꞌaxikix a te ba ay te Herodese, yuꞌun albot ta xwayuchik yuꞌun te Diose te makꞌ xkꞌaxikix teꞌae. Jich yan beix a laj sujtik bael a.

Bible in Tzeltal de Oxchuc y Tenejapa

¹² Soc te c'alal sujt'ic bael ta slumalique, ma ba c'axic tey a ta ba ay te Herodese, yu'un albot yaiyic ta swaichic yu'un Dios te ma ba ya xc'axiquix tey a. Jich yan be la st'unic bael.

San Mateo 2:12 Referans Kwoze

San Mateo 2:22

Pero te c'alal la ya'iy te ha Arquelao te la sjelolin ta ajwalil ta Judea te Herodes te state, la xi' te ya xbaht tey a. Pero ta swayich a'bot sna', hich baht ta sq'uinal Galilea,

San Mateo 2:19

C'alal chamix a te Herodes, te ch'ul a'bat yu'un Cajwaltic la yac' sba ta ilel ta swayich te José ta Egipto,

San Mateo 2:13

Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

Éxodo 1:17

Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Génesis 31:24

Ta ahc'abal c'oponot yu'un Dios ta swayich te Labán te arameo-winic, hich halbot yu'un: Tsahtaya me aba, ma me ayuc bin chopol yac awalbe te Jacob, xchi sc'oblal.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

1 Corintios 3:19

Como te p'ijil-o'tanil yu'un te bahlumilal ha howilc'op ta stojol Dios, hich te bin ut'il ts'ihbabil: Ya syac ta scuenta sp'ijil yo'tanic te mach'atic p'ijique, xchi.

San Lucas 2:26

A'bot sna' yu'un te Ch'ul Espíritu te ma ba ya xcham ha to teme la yilbe sit te mach'a Tsahbil yu'un Dios.

Hechos 10:22

La sjaq'uic: Te Cornelio, te capitán-soldado te lec yo'tan ta winiquil soc yich'oj ta muc' te Dios, soc te lec sc'oblal ta stojol spisil te nación yu'un te judíohetic, pasot ta mandar yu'un jtuhl ch'ul a'bat te ya me xtalat ta sna scuenta yu'un ya ya'iybat ac'op, xchihic.

Hebreos 8:5

Te ya'telic ha seña soc ha yaxinal te bintic ay ta ch'ulchan, hich te bin ut'il a'bot sna' te Moisés c'alal hahch spas te nahilpac' templo, te hich halbot: Ilawil, pasa spisil hich te bin ut'il ay te seña la jca'bat awil ta wits, te xchihe.