San Mateo 19:28 - Bible in Tzeltal Bachajón

²⁸ Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

Nuevo Testamento Tzeltal de Amatenango

²⁸ Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

Bible in Tzeltal de Oxchuc y Tenejapa

²⁸ Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

San Mateo 19:28 Referans Kwoze

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 7:4

La jca'iy jaytuhlic te ac'ticlambot yich'ic sello: ha waxaclajunpic (144,000) ta tuhl yu'un spisil ta chahp te yal-snich'nab Israel.

2 Pedro 3:13

Pero te ho'otic yacotic ta smahliyel te bin yaloj te Diose, ha te yach'il ch'ulchan soc yach'il bahlumilal, te banti ya xnahin te bin toj ta pasele.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Isaías 66:22

Hich te bin ut'il stalel ya xhil ta jtojol te yach'il ch'ulchan soc bahlumilal te ya jpas, hich stalel ya xhil te ats'umbalic soc te abihilique, xchi te Jehová.

Isaías 65:17

Ilawil, ya jpas yach'il ch'ulchan soc yach'il bahlumilal. Te bin ay ta nahil mayuquix ta na'el, jc'axel ma xna'otix.

Apocalipsis 21:5

Hich la yal te mach'a hucul ta muc'ul-huctajibal: Ya jpas ta yach'il spisil, xchi. Soc hich la yalbon: Ts'ihbaya ini, como te c'op ini ay ta ich'el ta cuenta soc smelelil, xchi.

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

2 Timoteo 2:12

teme ya xc'ax jwocoltic, ha nix hich pajal ya x'ochotic ta cuentahinwanej soc. Teme ya jmuc ta co'tantic, ha nix hich ya smucotic ta yo'tan;

Hechos 3:21

Ya sc'an ya xhil ta ch'ulchan ha to c'alal ya sta yorahil ya scha'lecubtes spisil bintic ay, ha te la yal Dios ta scuenta te ch'ul jalwanejetic yu'un ta namey tal,

San Mateo 20:21

¿Bin yac ac'an? xchi te Jesús. Hala mandar te ta cuentahinel awu'un ya xhuhcaj te cheb calatac, jtuhl ta awa'el soc jtuhl ta aq'uexam, xchi te antse.

Apocalipsis 22:2

yac ta behel ta yohlil te calle ta muc'ul pueblo. Ta jujujehch sti'il te muc'ul-ha' ay te te' scuenta cuxlejal, te lahchayeb buelta ya sitin ta jun ha'bil, jujun buelta ta jujun u. Te ya'binal te te' ya xtuhun yu'un slecubtesel te nacionetique.

Esdras 6:17

Ta scuenta yaq'uel ta stojol Dios, la yaq'uic ho'winic (100) jcolel torohetic, lajunwinic (200) tat tuminchijetic, jbahc' (400) jcolel tuminchijetic, soc lahchayeb (12) tat tentsunetic scuenta stojel mulil yu'un Israel, hich te bin ut'il jujuchahp sts'umbal Israel.

1 Reyes 18:31

La stsac lahchayeb tonetic, hich te bin ut'il yahtalul te jaychahp te snich'nab Jacob, te hich halbot yu'un Jehová: Israel abihil ya xc'oht, te xchihe.

Josué 3:12

Ha yu'un ya me atsahic lahchaytuhl winiquetic, jujutuhl ta jujuchahp yu'un Israel.

Levítico 24:5

Ya me atsac lequil harina soc yac ata'ajtes lahchaypehch pan, cheb ta slajunebal efa te jujupehche.

Éxodo 28:21

Ay lahchayp'ij tonetic hich te bin ut'il ay sbihilic te snich'nab Israel; ya yich' ts'ihbayel ochel tey a hich te bin ut'il sellohetic te sbihil te lahchaychahp, ha jchahp sbihil ta jujup'ij.

Éxodo 24:4

Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Éxodo 15:27

C'ohtic ta Elim ta banti ay lahchayeb (12) sloq'uib-ha' soc lajuneb schanwinic (70) ta tehc' xahnetic; tey c'oht spas scampamentohic a ta sti'il te ha'etique.

Apocalipsis 12:1

Chicnaj ta ch'ulchan muc'ul seña: jtuhl ants sc'u'inej te c'ahc'al, ay ta ye'tal yoc te u soc scoronahinej lahchayeb (12) ec' ta sjol.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

San Mateo 19:27

La sjac' te Pedro: Te ho'otcotic quihquitayejcotic hilel spisil soc jt'unojatcotic; ¿bin ya jtahcotic a? xchi.

San Marcos 10:37

Hich la yalbeyic: Ac'awotcotic te ya xhuhcajotcotic jtuhl ta awa'el soc jtuhl ta aq'uexam ta utsilal awu'un, xchihic.

Apocalipsis 11:16

Hich te chaneb scha'winic (24) ta tuhl mamaletic huhcajtic ta shuctajibic ta stojol te Dios la spahcan sbahic soc la sch'uhuntayic te Diose,

Apocalipsis 22:5

Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.

2 Crónicas 9:19

Soc ay lahchaycoht (12) chojetic ta cajalcaj mohel, jujucoht ta jujujehch. Mayuc yan huctajibal te hich yich'oj pasel ta yantic nacionetic.