San Mateo 19:23 - Bible in Tzeltal Bachajón

²³ Ha yu'un te Jesús hich la yalbe te jnopojeletic yu'une: Jamal ya calbeyex, mero wocol ya x'och tey ta banti ay te cuentahinel yu'un te ch'ulchan te mach'a jc'uhlej.

Nuevo Testamento Tzeltal de Amatenango

²³ Te Jesuse lijk yalbe te jnopojeletik yuꞌune: —Jamal ya kalbeyex: Te jkꞌulejetike lom wokol ya yajwalinik te Diose.

Bible in Tzeltal de Oxchuc y Tenejapa

²³ Te Jesús caj yalbey te jnopojeletic yu'une: —Jamal ya calbeyex, te jc'uleje wocol ya yajwalin te Dios te ay ta ch'ulchane.

San Mateo 19:23 Referans Kwoze

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

San Marcos 10:23

Te Jesús la yil ta sjoyobal, hich la yalbe te jnopojeletic yu'une: ¡Te mach'atic ay sc'uhlejalic, wocol ya x'ochic ta banti ay te cuentahinel yu'un te Diose! xchi.

San Lucas 18:24

C'alal Jesús la yil te bayel smeloj yo'tan, hich la yal: ¡Te mach'atic ay sc'uhlejalic mero wocol ya x'ochic ta banti ay te cuentahinel yu'un Dios!

1 Corintios 1:26

Quermanotac, na'a awa'iyic bin awilelic te c'alal ic'bilex yu'un te Diose, mayuc tsobolex te ay ap'ijilic ta scuenta ch'ich'-baq'uet, soc mayuc tsobolex te tulan awa'telic o te muc' ac'oblalique;

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

Proverbios 11:28

Te mach'a ha smuc'ulinej yo'tan te sc'ulejal ya me xch'ay, yan te mach'a toj yo'tan, hich ya xyaxub te bin ut'il sc'ab te'.

Santiago 2:6

Pero ha'ex la ap'ajic te pobre. ¿Ma bal ha'uc te jc'uhlejetic te ya yuts'inex, soc ma bal ha'uc te ya sjochex bahel ta stojol te chahpajibal?

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

San Juan 3:5

Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

San Mateo 18:3

hich la yal: Jamal ya calbeyex, teme ma ba hich yac ap'is abahic te bin ut'il alaletic, ma xhu' ya x'ochex ta banti ay te cuentahinel yu'un te ch'ulchan.

San Mateo 5:20

Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

San Mateo 21:31

Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

San Mateo 19:22

Te querem, c'alal la ya'iy te c'op ini, ay ta mel-o'tan a loc' bahel, como bayel sc'uhlejal.