San Mateo 19:22 - Bible in Tzeltal Bachajón

²² Te querem, c'alal la ya'iy te c'op ini, ay ta mel-o'tan a loc' bahel, como bayel sc'uhlejal.

Nuevo Testamento Tzeltal de Amatenango

²² Te kꞌalal la yaꞌi te soltero kereme, ben triste bajt yuꞌun, yuꞌun ben jkꞌulej.

Bible in Tzeltal de Oxchuc y Tenejapa

²² Te c'alal la yaiy stojol te jch'iel winique, bayal la smel bael yo'tan yu'un, melel bayal te sc'ulejale.

San Mateo 19:22 Referans Kwoze

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

Colosenses 3:5

Ha yu'un ac'a chamuc te bintic scuenta bahlumilal te ay ta awo'tanic: ha te antsiwej soc antsinel, te bintic ilobtic sba, sc'anel bintic ma lecuc, smulanel spasel bin chopol, soc bic'tal-o'tanil, te ha pajal soc sch'uhunel loc'ombahetic.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

San Marcos 10:22

Pero la spich' sba yo'tan yu'un te bin halbot, ay ta mel-o'tan bahel, yu'un ay bayel sc'uhlejal.

San Mateo 16:26

Como ¿bin ya sta a te winic teme yu'untayej spisil te bahlumilal, pero teme ch'ayel ya xbaht te sch'uhlele? ¿Bin ya yac' a te winic yu'un te sch'uhlele?

San Lucas 18:23

C'alal hich la ya'iy te winic, bayel la smel yo'tan yu'un, como ay bayel sc'uhlejal.

San Mateo 14:9

Te ajwalil la smel yo'tan yu'un, pero ta scaj te yalojix ta jamal soc ta scaj te mach'atic sjoquinejic ta mesa, la spas mandar te ya x'a'bot te bin yac sc'ambele.

San Marcos 6:26

Te ajwalil bayel la smel yo'tan yu'un. Pero ta scaj te bin jc'axel yaloj ta jamal soc ta scaj te mach'atic sjoquinej ta mesa, ma ba la sc'an te ya smac ta c'op.

Salmos 17:14

ta scuenta ac'ab, Jehová, ac'awon ta libre ta sc'abic, ha te winiquetic scuenta bahlumilal te ha nax yu'unic te bintic ay ta cuxlejal ini, te nojel sch'uhtic ta bintic ay awu'une. Bayel bintic ay yu'un te snich'nabic, soc ya to spas sobra yu'un te smamataque.

San Mateo 19:21

Halbot yu'un te Jesús: Teme yac ac'an te mayuc bin ya spasat falta, bahan, chona hilel te bintic ay awu'un, q'uebembeya hilel te pobrehetic, hich me ay ac'uhlejal ta ch'ulchan; soc la', t'unawon, xchi.

San Mateo 19:23

Ha yu'un te Jesús hich la yalbe te jnopojeletic yu'une: Jamal ya calbeyex, mero wocol ya x'och tey ta banti ay te cuentahinel yu'un te ch'ulchan te mach'a jc'uhlej.

San Juan 16:20

Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.