San Mateo 19:17 - Bible in Tzeltal Bachajón

¹⁷ Halbot yu'un te Jesús: ¿Bin yu'un te la awal te lecon ta winiquil? Mayuc mach'a lec, ha nax jtuhl, ha te Diose. Pero teme yac ac'an yac ata acuxlejal, pasa te bin ya yal te mandariletique, xchi.

Nuevo Testamento Tzeltal de Amatenango

¹⁷ La sjakꞌ te Jesuse: —¿Tut yuꞌun te ya awalbon te ben lekone? Jtul nax te machꞌa ben leke, jaꞌ nax te Diose. Pero teme ya akꞌan te ya xkuxuyinate, chꞌuuna me spasel te tut ya yal te mantaliletike —xchi te Jesuse.

Bible in Tzeltal de Oxchuc y Tenejapa

¹⁷ La yal te Jesuse: —¿Bi yu'un ya awal te lecon ta winiquile? Jtul nax te mach'a leque. Ja' nax lec stuquel te Diose. Ja'uc me to, teme ya ac'an te ya xcuxinate, at'elina spasel te bila ya yal te mandaliletique —xi' te Jesuse.

San Mateo 19:17 Referans Kwoze

Levítico 18:5

Ha yu'un ch'uhunahic spasel te bintic chapal cu'un soc te bintic caloj ta mandar. Te mach'a ya spas, ya me xcuxaj yu'un. Ho'on, Jehovahon.

Romanos 10:5

Te Moisés hich la sts'ihbabe sc'oblal te bin ut'il toj ya xc'ohtic ta scuenta te Ley: Te mach'a hich ya spasticlan, hich ya xcuxaj yu'un, xchi.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.

1 Juan 4:16

Jna'ojtic soc jch'uhunejtic te c'uxotic ta yo'tan te Diose. Ha jc'uxultaywanej te Diose, soc te mach'a spisil ora ya ya'iy c'uxultaywanej, ay ta stojol Dios soc Dios ay ta yo'tan.

Ezequiel 20:21

Pero te yal-snich'nabic la stoy sbahic ta jtojol; ma ba la st'unic te chahpambil mandariletic cu'un soc ma ba la sch'uhunic spasel te halbil mandariletic cu'un te ha ta scuentahic ya xcuxajic te mach'atic ya sch'uhunique; soc la sbohlobtesbe sc'oblal te sc'ahc'alel cux-o'tan. Ha yu'un la jnop ta co'tan te ya jmal cohel ta stojolic te quilimba, scuenta yu'un hich ya xlahmaj a te sc'ahc'al co'tan ta jochol taquin q'uinal.

Nehemías 9:29

La atsitsticlan te yacuc suhtic xan ta stojol te Ley awu'une; pero bayel la stoy sbahic, ma ba la yich'ic ta cuenta te mandariletic awu'un, la sta smulic ta stojol te bintic halbil awu'un, te ha ya ya'be scuxlejal te mach'atic ya sch'uhunic spasel. La swalac'patiyic scuenta toybahil, tulan la yac' sbahic, ma ba la sc'an la ya'iyic.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Salmos 52:1

¿Bin yu'un yac atoy aba yu'un te bin chopol, ha'at te bayel awip? ¡Te sc'uxul yo'tan Dios stalel ay!

Salmos 119:68

Mero lecat atuquel, soc lec te bin yac apas; a'bon jnop te mandariletic awu'une.