San Mateo 19:11 - Bible in Tzeltal Bachajón

¹¹ Halbotic yu'un te Jesús: Ma spisiluc ya xhu' ya yich'ic ha'i c'op ini, ha nax te mach'atic a'bibilic.

Nuevo Testamento Tzeltal de Amatenango

¹¹ La sjakꞌ te Jesuse: —Ma spisiluk ya xkꞌot ta yoꞌtanik, jaꞌ to teme Dios ya xꞌalbot ta yoꞌtanik yuꞌune.

Bible in Tzeltal de Oxchuc y Tenejapa

¹¹ Jesús la yal: —Ma spisiluc ya xc'ot ta yo'tanic teme ja' lec te ma xnujbinique, ja' to teme Dios ya x'ac'bot ta yo'tanic yu'une.

San Mateo 19:11 Referans Kwoze

1 Corintios 7:17

Jujutuhl hich ac'a ayinuc te bin ut'il ay te mahtaniletic a'bibilic yu'un te Cajwaltic soc bin yilel c'alal ic'ot yu'un Dios; hich ya cal mandar ta stojol spisil te iglesiahetique.

1 Corintios 7:35

Hich ya calbeyex scuenta yu'un lec ya xc'ohex yu'un; ma yu'unuc ya jchuquex, pero yu'un stojil ya xcuxajex soc te jun awo'tan yac awac' abahic ta stojol te Cajwaltique.

1 Corintios 7:2

Pero ta scaj te ay ya sta smulic ta scuenta antsiwej, ha lec te ayuc yihnam te jujutuhl winiquetic, soc ayuc smamalal te jujutuhl antsetic.

San Mateo 13:11

Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

San Mateo 19:10

Hich halbot yu'un te jnopojeletic yu'une: Teme hich ay sc'oblal te yihnam soc te winique, ha lec te ma ba ya xnuhpunic, xchihic.

San Mateo 19:12

Ay mach'atic te eunuco a te ya x'ayin, ay eunucohetic te hich pasbilic yu'un winiquetic, soc ay eunucohetic te hich la spas sbahic ta scaj te cuentahinel yu'un te ch'ulchan. Te mach'a ya xhu' yu'un te ya yich' ha'i c'op ini, ac'a yich', xchi.