San Mateo 18:9 - Bible in Tzeltal Bachajón

⁹ Soc teme ha ya ya'bat ale amul te asite, loq'uesa, ch'aya bahel: ha lec xan a teme jun xanix asit a yac awich' acuxlejal te bin ut'il teme schebal asit a ya xch'ojotat ochel ta c'ahc' yu'un infierno.

Nuevo Testamento Tzeltal de Amatenango

⁹ Sok teme jaꞌ ya syalesat ta mulil te jpꞌej asite, lokꞌesa sok chꞌoja bael. Yuꞌun jaꞌ lek te yauk xꞌochat ta kuxlejal manchuk me yal jpꞌej te asite. Ja ma lek teme xchebal asit te ya xchꞌojelat ochel ta kꞌakꞌ yuꞌun te kastigoe.

Bible in Tzeltal de Oxchuc y Tenejapa

⁹ Soc teme ja' ya syalesat ta mulil te asite, loq'uesa. Ch'oja bael, yu'un ja' lec te yacuc x'ochat ta cuxinel manchuc teme jp'ij nax asite. Ja' wocol teme xchebal asit ya xch'ojotat ochel ta infierno ta c'ajc' te ma xtup' sbajt'el q'uinale.

San Mateo 18:9 Referans Kwoze

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

San Mateo 18:8

Ha yu'un teme ha ya ya'bat ale amul te ac'ab o te awoc, boja loq'uel, ch'aya bahel: ha lec xan a te nol-oc o nolc'ab a yac awich' acuxlejal te bin ut'il teme schebal ac'ab o schebal awoc a ya xch'ojotat ochel ta c'ahc' te sbahtel q'uinal ay.

San Mateo 5:29

Ha yu'un teme ha ya ya'bat ale amul te awa'el-sit, loq'uesa, ch'oja bahel, ha lec xan teme ya xch'ay junuc asit te bin ut'il spisil abaq'uetal ya yich' ch'ojel ochel ta infierno.

San Mateo 5:22

Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

Hebreos 4:11

Ha yu'un ac'a me cac'tic fuersa te yacuc x'ochotic ta banti ay te cux-o'tanil, scuenta yu'un mayuc mach'a ya xyahl ta scuenta sc'axuntayel c'op hich te bin ut'il la spasique.

San Marcos 9:47

Soc teme ha ya ya'bat ale amul te asit, ch'o'a loq'uel; ha lec te jp'ij xanix asit ya x'ochat ta banti ay te cuentahinel yu'un Dios te bin ut'il schebal asit a ya xch'ojotat ochel ta infierno,

San Mateo 19:17

Halbot yu'un te Jesús: ¿Bin yu'un te la awal te lecon ta winiquil? Mayuc mach'a lec, ha nax jtuhl, ha te Diose. Pero teme yac ac'an yac ata acuxlejal, pasa te bin ya yal te mandariletique, xchi.

San Mateo 16:26

Como ¿bin ya sta a te winic teme yu'untayej spisil te bahlumilal, pero teme ch'ayel ya xbaht te sch'uhlele? ¿Bin ya yac' a te winic yu'un te sch'uhlele?