San Mateo 18:3 - Bible in Tzeltal Bachajón

³ hich la yal: Jamal ya calbeyex, teme ma ba hich yac ap'is abahic te bin ut'il alaletic, ma xhu' ya x'ochex ta banti ay te cuentahinel yu'un te ch'ulchan.

Nuevo Testamento Tzeltal de Amatenango

³ La yal: —Jamal ya kalbeyex. Teme ma xjelonexe sok teme ma jichuk chꞌin ya awakꞌ abaik jich tutꞌil te chꞌin untike, ma xjuꞌ ya awajwalinik te Diose.

Bible in Tzeltal de Oxchuc y Tenejapa

³ —Jamal ya calbeyex, teme ma xyanaj te acuxlejale soc teme ma pajaluc awo'tanic ya xc'ot soc te alaletique, ma xju' awu'unic te ya awajwalinic te Dios te ay ta ch'ulchane.

San Mateo 18:3 Referans Kwoze

1 Pedro 2:2

C'anahic te lequil chu'ul yu'un te Espíritu, hich te bin ut'il alaletic te ayinelic to, yu'un hich me ya xmuc'ubex a ta scuenta te colel awu'unic,

San Mateo 19:14

Ha yu'un hich halbotic yu'un te Jesús: Ac'a taluc ta jtojol te alaletic, ma me xacomic, como ha yu'unic te cuentahinel yu'un te ch'ulchane, xchi.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

Salmos 131:2

Pero la jcac' lahmajuc te jch'uhlel, hich te bin ut'il alal te hilel to schu' yu'un snan; ¡Hich ay jch'uhlel te bin ut'il alal te hilel to schu' yu'un snan!

San Juan 3:5

Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

Hechos 3:19

Ha yu'un suhtesa awo'tanic soc suhtanic tal ta stojol Dios scuenta yu'un ya yich' tup'el amulic; scuenta yu'un yacuc xloc' tal ta stojol Cajwaltic te yorahil ya xlecub cuxlejalil,

Hechos 28:27

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yil ta sitic soc ma ba ya ya'iy ta schiquinic, soc ma ba ya xc'oht ta yo'tanic, te hichuc ya suhtes yo'tanic soc hich ya jlecubtes, te xchihe.

San Juan 1:51

Soc hich la yal xan te Jesús: Tulan sc'oblal ya calbeyex, ya me awilic jamal te ch'ulchan, soc te ch'ul a'batetic yu'un Dios yacalic ta mohel soc cohel ta stojol te Nich'anil ay ta scuenta winic, xchi.

San Mateo 5:20

Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

San Lucas 22:32

pero la jc'ambeyix Dios te manchuc ya xch'ay sch'uhunel awo'tan; soc c'alal suhtematix tal a, a'beya yich' yip yo'tan te awermanotaque, xchi.

San Marcos 4:12

scuenta yu'un ya yilic, pero ma xc'oht ta yo'tanic, soc ya ya'iyic, pero ma sna'beyic scuentahil; scuenta yu'un ma ba ya suhtes yo'tanic te hich ya xpasbot perdón yu'un smulic, xchi.

2 Pedro 1:11

Hich me muc' ya xjambotex ochel sbehlal ta banti ay te cuentahinel sbahtel q'uinal yu'un te Cajwaltic Jesucristo, te Jcoltaywanej cu'untique.

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

San Mateo 19:23

Ha yu'un te Jesús hich la yalbe te jnopojeletic yu'une: Jamal ya calbeyex, mero wocol ya x'och tey ta banti ay te cuentahinel yu'un te ch'ulchan te mach'a jc'uhlej.

San Mateo 13:15

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yilic ta sitic, ma ba ya ya'iyic ta schiquinic, ma ba ya xc'oht ta yo'tanic, soc ma ba ya suhtes yo'tanic, te ya jlecubtes te hichuque, te xchihe.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

Isaías 6:10

Tulantesbeya yo'tan te pueblo ini; macbeya schiquinic soc macbeya sitic, scuenta yu'un ma ba ya yil ta sitic, ma ba ya ya'iy ta schiquinic, ma ba ya xc'oht ta yo'tanic, ni ha'uc hich ya suhtes yo'tanic soc ya xlecubic yu'un, xchi.

San Mateo 6:2

C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

San Mateo 5:18

Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

San Mateo 18:2

Te Jesús la yic' tal jtuhl alal, la stehc'ambe ta yohlilic,

San Mateo 18:4

Ha yu'un mach'ayuc a te peq'uel ya yac' sba hich te bin ut'il te alal ini, ha muc' sc'oblal ya xc'oht yu'un spisil yantic ta banti ay te cuentahinel yu'un te ch'ulchane.