San Mateo 18:25 - Bible in Tzeltal Bachajón

²⁵ Te bin ut'il ma ba hu' yu'un stojel te sbete, la yal mandar te yajwal te ya yich' chonel soc yihnam soc yal-snich'nab soc spisil bintic ay yu'un scuenta stojel te sbete.

Nuevo Testamento Tzeltal de Amatenango

²⁵ Te tutꞌil maꞌyuk tut ya stoj a te sbete, la yakꞌ mantal te ajwalile te ya xchonot bael ta mosoile sok yinam sok xnichꞌnab, y spisil te tutik ay yuꞌune, jich me ya xtoj a te sbete.

Bible in Tzeltal de Oxchuc y Tenejapa

²⁵ Te bit'il ma ju' yu'un stojel te sbete, la yal mandal te muc' ajwalile te ya yich' chonel bael soc yinam snich'nab soc spisil te bila ay yu'une, swenta yu'un jich me ya xtojob a te sbete.

San Mateo 18:25 Referans Kwoze

Nehemías 5:5

Junax jts'umbaltic soc te quermanotactic, te cal-jnich'nabcotic pajal soc te yal-snich'nabic; pero la jcac'cotiquix ta mosohil te queremetic soc ach'ixetic cu'uncotic, ay bahemiquix ta mosohil ach'ixetic cu'uncotic. Mayuc bin ut'il ya jcoltaycotic loq'uel a, como yan mach'atic yich'ojiquix te jq'uinalcotic soc te ts'usubiletic cu'uncotique, xchihic.

2 Reyes 4:1

Ay jtuhl me'ba' ants te ha yihnam jtuhl winic yu'un te jchahp jalwanejetic, hich la yalbe wocol te Eliseo: Te a'bat awu'un, ha te jmamalal, chamix; ana'oj te xi'oj te Jehová. Yo'tic talix te jc'an-betil yu'un ya yic'bon bahel smosohin te cheb calatac, xchi.

San Lucas 7:42

Te bin ut'il ma ba hu' yu'unic stojel te sbetique, la sch'aybe sbetic schebalic. Hala ca'iytic hiche: ¿Mach'a a te c'ax c'ux ya ya'iy ta yo'tan te mach'a ch'aybot sbet yu'une? xchi te Jesús.

Levítico 25:39

Teme ay och ta pobrehil jtuhl alumal te sjoquinejat, teme ya schon sba ta atojol, ma hichuc xawac' ta a'tel te bin ut'il amoso.

Nehemías 5:8

hich la jcalbeyic: Te ho'otcotic, te ban c'alal hu'em cu'uncotic, la jloq'uescotic ta sbetic te quermanotactic judiohetic te la yich'ic chonel ta stojol yantic nacionetic. ¿Yo'tic ha'ex bal yac achombelic te awermanotac scuenta yu'un te ho'otcotic ya jmancotic loq'uel? la jcut. Ch'abic, yu'un ma ba weht bin la yalic yu'un.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

Éxodo 21:2

Teme yac aman jtuhl hebreo-winic scuenta awa'bat, waqueb ha'bil ya x'a'tej, ta shuquebal ha'bil ya me xcol ta libre, mayuc bin ya stoj.

Éxodo 22:3

Yan teme ta c'ahc'alel, te mach'a milawan ya me smulin teme chame. Te j'elec' ts'acal me ya stoj te bin yelc'anej. Teme mayuc bin ay yu'un, ya me yich' chonel yu'un te yeleq'ue.

San Mateo 18:24

C'alal hahch yich' cuenta te betiletic, ay jtuhl mach'a ay jpic soc ho'bahc' (10,000) talento te sbete.