San Mateo 18:17 - Bible in Tzeltal Bachajón

¹⁷ Teme ma ba ya ya'iybe te sc'opique, halbeya te iglesia; teme ma ba ya ya'iybe sc'op te iglesia, hich me ya xc'ohtix awu'un a te bin ut'il jyanlum o jc'an-patan.

Nuevo Testamento Tzeltal de Amatenango

¹⁷ Teme ma skꞌan a yaꞌibe sluwar skꞌopik euk te jtul-chebe, albeya yaꞌiy spisil te hermanoetike. Teme ma skꞌan a yaꞌibe sluwar skꞌopik euk te hermanoetike, jich me aꞌ kꞌotuk awuꞌunik te tutꞌil machꞌa ma xchꞌuunejuk te Diose, sok jich tutꞌil te jkꞌan-tojemale.

Bible in Tzeltal de Oxchuc y Tenejapa

¹⁷ Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.

San Mateo 18:17 Referans Kwoze

2 Tesalonicenses 3:6

Quermanotac, ya jpasexcotic ta mandar ta scuenta te Cajwaltic Jesucristo te yacuc apit abahic ta stojol spisil quermanotic te ma sc'an ya x'a'tejic soc te ma ba ya spasic te bin la jca'beyexcotic anopic.

1 Corintios 5:9

La jts'ihbabeyex ta carta te ma me xajoquin abahic soc j'antsiwejetic.

Ezequiel 11:12

Hich yac ana'ic a te ho'on Jehovahon; como ma ba at'unojic te chahpambil c'op cu'un soc ma ba ach'uhunejic spasel te mandariletic cu'une, ha la at'umbeyic stalel te nacionetic te sjoytayejex, xchi.

Esdras 6:21

Spisil te snich'nab Israel te suhtemiquix tal ta chuquel la swe'ic soc spisil te mach'atic parte la yac' sbahic ta stojol te bin bohloben sc'oblalic yu'un te nacionetic yu'un ya slehic te Jehová te Dios yu'un Israel.

1 Timoteo 6:5

soc te tulan ya stsac sbahic ta c'op te mach'atic chopol spensaric, te ma sna'ic bin ut'il ay te smelelil c'op, te ha ya spasic ganar a te bin stojil ay ta ch'uhunel te Diose.

San Lucas 15:1

Nohpojic tal ta stojol Jesús spisil te jc'an-patanetic soc te jmulawiletic ta ya'iybeyel te sc'ope.

San Mateo 11:19

Tal te Nich'anil ay ta scuenta winic te ya xwe' x'uch' stuquel, hich ya yalic: Bayel ya xwe' soc ya yuch' vino, ha jun yo'tan sba soc te jc'an-patanetic soc yantic jmulawiletic, xchihic. Pero te p'ijil-o'tanil ya xchicnaj ta scuenta te yal-snich'nabe, xchi te Jesús.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

San Mateo 5:46

Como teme ha nax c'ux ta awo'tanic te mach'atic c'uxex ta yo'tanic, ¿bin amahtan yac ata a? ¿Ma bal hichuc nix ya spasic te jc'an-patanetique?

San Mateo 6:7

Te c'alal yac ac'oponic Dios, ma me xawalulan c'opetic te mayuc sc'oblal, hich te bin ut'il ya spasic te jyanlumetic, te scuyojic te ya x'a'iybot sc'opic ta scuenta bayel ya xc'opojic.

San Mateo 10:3

Felipe, Bartolomé, Tomás, Mateo te jc'an-patan, Jacobo snich'an Alfeo, Lebeo, te Tadeo yan sbihile,

1 Corintios 6:1

Teme ay hahch c'op awu'unic ta stojol yan, ¿lec bal yac awa'iyic teme yac awac' abahic ta chahpanel yu'un mach'atic ma ba sch'uhunejic Dios, te ma ha'uc ta stojol te mach'atic ch'ultesbilique?

Josué 22:15

C'alal c'ohtic ta banti ay te sts'umbal Rubén, Gad soc te j'ohlil sts'umbal Manasés ta sq'uinal Galaad, hich la yalbeyic: