San Mateo 18:12 - Bible in Tzeltal Bachajón

¹² ¿Bin xchihex yu'un? Teme ay mach'a ay ho'winic (100) ta coht stuminchij, teme ay jcoht ya xhowiy bahel, ¿ma bal yacuc yihquitay hilel ta wits te balunlajuneb yo'winic (99) ta coht, ya xbaht sle te jcoht ch'ayem hilel?

Nuevo Testamento Tzeltal de Amatenango

¹² “¿Tut lek ta pasel ya awaꞌiy? Teme ay jtul winik te ay sien ta jkojt te skarnerae, teme jowi jilel ta be jkojtuke, ¿me ma wan yauk sjiles ta wits te noventa y noeve, yuꞌun ya xba slej tal te jkojt skarnera te chꞌay jile?

Bible in Tzeltal de Oxchuc y Tenejapa

¹² “¿Ma bal jichuc ay ta pasel? Teme ay jtul winic te ay jo'winic ta cojt' te xchije, teme ch'ay jilel ta be cojt'uc, ¿ma bal yacuc yijq'uitay jilel ta wits te balunlajuneb yo'winic (99) ta jcojt'e, yu'un ya xba sle tel te cojt' xchij te ch'ayeme?

San Mateo 18:12 Referans Kwoze

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

Ezequiel 34:28

Mayuquix bin ora ya yich'ic pojel yu'un te nacionetic soc ma ba ya xlajinotiquix yu'un te ti'awal chambahlametic, jun yo'tan ya xnahinic, mayuquix mach'a ya xiwtesotic yu'un.

Ezequiel 34:6

Te tuminchijetic cu'un howiyemic ta behel ta spisil te witsiltic soc spisil te toyol tsehletique. Puhquic bahel ta spahmal bahlumilal te tuminchijetic cu'un, mayuc mach'a la sle soc mayuc mach'a la sjoc'oy ta scuenta.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

1 Pedro 2:25

Como hichex te bin ut'il tuminchijetic te howiyemic, pero yo'tic suhtemexix tal ta stojol te Jcanantaywanej soc te Mach'a ya scanantaybeyex ach'uhlelique.

San Mateo 12:11

Hich halbotic yu'un te Jesús: ¿Ay bal mach'a ay ta awohlilic te ay stuminchij te ya xch'ay cohel ta ch'en ta sc'ahc'alel cux-o'tan te ma ba ya stsac loq'uel?

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.

Salmos 119:176

Howiyemon ta be hich te bin ut'il howiyem tuminchij; leha te a'bat awu'un, como ma ba ch'ayem ta co'tan te mandariletic awu'une.

San Mateo 21:28

¿Bin xchihex yu'un ini? Ay jtuhl winic te ay cheb snich'nab, nohpoj tal, hich la yalbe te jtuhle: Jnich'an, bahan ta a'tel ta ts'unubil cu'un, xchi.

1 Corintios 10:15

Hich ya jc'oponex te bin ut'il ha'ex yac ana'ic q'uinal; nopa awa'iyic teme lec o teme ma lecuc te bin ya calbeyexe.

San Mateo 22:42

¿Bin xchihex yu'un te Cristo, mach'a snich'an? xchi. Ha Snich'an David, xchihic.

1 Reyes 21:17

Ha yu'un c'oponot yu'un Jehová te Elías te tisbe-winic, hich la yalbe:

Ezequiel 34:4

Ma ba la awa'beyic yip te mayuc yipic soc ma ba la apoxtayic te ayic ta chamel; ma ba la apotsic te banti waq'uem, ma ba la awiq'uic suhtel tal te howiyemic bahel, ma ba la alehic te ch'ayemique, tulan la acuentahinic soc la awuts'inic.

San Mateo 18:13

Teme la stahe, ya calbeyex te c'ax hich yutsil yo'tan yu'un a te bin ut'il yutsil yo'tan yu'un te balunlajuneb yo'winic (99) ta coht te ma ba ch'ayic stuquelic.