San Mateo 18:10 - Bible in Tzeltal Bachajón

¹⁰ Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

Nuevo Testamento Tzeltal de Amatenango

¹⁰ “Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

Bible in Tzeltal de Oxchuc y Tenejapa

¹⁰ “Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

San Mateo 18:10 Referans Kwoze

Salmos 91:11

yu'un ya me yalbe mandar te ch'ul a'batetic yu'un te ya scanantayat bayuc ya xbahat.

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Salmos 34:7

Te ch'ul a'bat yu'un Jehová ay ta sjoyobal te mach'atic ya yich'ic ta muc', soc ha ya scoltay.

San Lucas 16:22

C'oht yorahil te cham te jc'ambajel, soc ic'ot bahel ta sts'ehl Abraham yu'un te ch'ul a'batetique; soc ha nix hich cham te jc'uhlej winic soc la yich' muquel.

San Mateo 24:31

Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Mateo 18:14

Ha nix hich te Atatic ay ta ch'ulchan ma sc'an te ya xch'ay jtuhluc ha'i alaletic ini.

San Mateo 18:6

Mach'ayuc a te ya yac' yahluc jtuhluc ha'i alaletic ini te sch'uhunejonic, ha lec te yacuc yich' chucbeyel cha' ta snuc' soc ya x'etanot cohel ta sc'ubulil mar.

San Mateo 2:19

C'alal chamix a te Herodes, te ch'ul a'bat yu'un Cajwaltic la yac' sba ta ilel ta swayich te José ta Egipto,

San Mateo 2:13

Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

1 Corintios 11:22

¿Yu'un bal mayuc anahic te banti ya xhu' ya xwe' x'uch'ex? O ¿ya bal ap'ajic te iglesia yu'un Dios soc ya bal awaq'uic ta q'uexlal te mach'atic mayuc bin ay yu'unique? ¿Bin ya calbeyex yu'un? ¿Lec bal ac'oblalic ya calbeyex? Ma'uc, ma ba lec ac'oblalic cu'un.

1 Corintios 16:11

Ha yu'un ma me ayuc mach'a peq'uel ya yil, coltayahic scuenta yu'un lamal q'uinal ya suht tal ta jtojol, como ha yac jmahliybel soc te quermanotactique.

Romanos 14:10

Pero te ha'ate ¿bin yu'un yac awalbe smul te awermano? Ha nix hichat, ¿bin yu'un yac ap'aj te awermano? como jpisiltic ya xc'ohotic ta ich'el ta c'op ta stojol te chapajibal yu'un Cristo.

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

Hechos 12:15

¡Sohquem ajol! la yutic. Pero la yal te ach'ix te melele. Ha wan te ch'ul a'bat yu'un, xchihic.

Hechos 10:3

Oxeb wan ora suhtel c'ahc'al a, la yil ta snahalsit och tal jtuhl ch'ul a'bat yu'un Dios te banti ay, hich halbot yu'un: Cornelio, xchi.

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe:

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Salmos 15:4

ha te ya yihlay te mach'a chopol, pero ya yich' ta muc' te mach'atic ya yich'ic ta muc' te Jehová; ha te mach'a ya xc'oht ta pasel yu'un te bin yaloj ta jamal, aunque ya sta swocol yu'un;

1 Reyes 22:19

La yal xan te Micaías: A'iya me awa'iy te sc'op Jehová: La jquil te Jehová hucul ta smuc'ul huctajib, spisil te mach'atic ayic ta ch'ulchan tec'ajtic ta stojol ta swa'el soc ta sq'uexam.

1 Timoteo 4:12

Ma me ayuc mach'a ma xyich'at ta cuenta yu'un te jcolel winicat, a'beya yilic bin lec ta pasel te mach'atic ya sch'uhunic, a'beya yilic ta scuenta ac'op, atalel, sc'uxul awo'tan, sch'uhunel awo'tan soc te ma x'ana' slehel mulil.

1 Corintios 9:22

Te mach'atic mayuc yip yo'tanic, hich ya jpas jba te mayuc yip co'tan, yu'un ha ya jpas ta ganar; pajal la jpas jba soc spisil ants-winiquetic scuenta yu'un ayuc bin ut'il ay mach'atic ya xcolic a.

Romanos 15:1

Ho'otic te ay yip co'tantic ya sc'an te ya xcuhch cu'untic te mach'atic mayuc yip yo'tanic, ma me ha'uc ya jlehtic te bin lec co'tantic yu'un ta jtuqueltic.

Romanos 14:21

Ha lec te ma ba ya swe' ti'bal o te ma ba ya yuch' vino, o biluc a te ya yac' sc'ohchin sba te awermano.

Apocalipsis 8:2

Patil la jquil te huqueb ch'ul a'batetic te tec'ajtic ta stojol Dios, a'botic huqueb cornetahetic.

Gálatas 6:1

Quermanotac, teme ay mach'a la sta smul, ha'ex te cuentahimbilex yu'un te Espíritu ya me acha'sutic xan tal soc slamalil awo'tanic, pero ya me atsahtay aba, te manchuc ha'at nix yac atahic sujel ta mulil.

2 Corintios 10:10

Melel ay mach'atic ya yalic te tulan te cartahetic soc ay yipic, pero te c'alal li' ay, mayuc yip soc mayuc ta cuenta te bin ya yale.

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Mateo 12:20

Ma ba ya slajin swaq'uel te jalal te waq'uelix, ma ba ya stup'be sc'ahc'al te xutunte' yac ta tihlel, ha to teme la yac' c'ohtuc ta pasel te bin stojil ta pasele.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

Zacarías 4:10

Te mach'atic la sp'ajic te sc'ahc'alel te tut shahchibal te ya'tele, tse'el me yo'tanic yu'un c'alal ya yilic te plomo ta sc'ab te Zorobabel. (Te huqueb sit ini, ha sit te Jehová te ya yil spisil te q'uinale.)

Ester 1:14

Te mach'atic te mero nopol soc te ajwalil, ha te Carsena, Setar, Admata, Tarsis, Meres, Marsena soc Memucán, huqueb príncipaletic yu'un Persia soc yu'un Media, ha'ic te j'ac'-o'taniletic yu'un te ajwalil soc ha toyol ya'telic ta stojol te nación.

2 Samuel 14:28

Halaj cheb ha'bil ta Jerusalén te Absalón, ma ba la yilbe sit te ajwalil.

Hebreos 9:24

Como te Cristo ma ba och bahel ta ch'ul awilal pasbil ta c'abal, te ha seña te smelelil ch'ul awilal, tey nix och bahel ta ch'ulchan, yu'un ya stehc'an sba ta stojol Dios ta jcuentatic.