San Mateo 17:21 - Bible in Tzeltal Bachajón

²¹ Pero te pucujetic te hich stalelic bin ut'il ini, ma xhu' ta loq'uesel ha to teme ya yich' c'oponel Dios soc scomel we'elil.

Nuevo Testamento Tzeltal de Amatenango

²¹ Pero ma xjuꞌ ta lokꞌesel pukujetik tem pajal sok tutꞌil to jaꞌ to teme ya akom aweꞌelik ta skꞌoponel Dios yuꞌune —xchi te Jesuse.

Bible in Tzeltal de Oxchuc y Tenejapa

²¹ Ja'uc me to, ma xju' ta loq'uesel pucujetic te pajal soc in to ja' to teme ya apasic ayuno ta sc'oponel Dios yu'une] —xi' te Jesuse.

San Mateo 17:21 Referans Kwoze

San Marcos 9:29

Te espíritu ini ma xhu' ta loq'uesel ta hich nax, ha nax ta scuenta sc'oponel Dios soc ta scomel we'elil, xchi te Jesús.

San Mateo 17:22

C'alal c'ohtic ta Galilea, hich halbotic yu'un te Jesús: Te Nich'anil ay ta scuenta winic ya me x'ac'ot ta sc'ab winiquetic

1 Reyes 17:20

Hich la yawtay te Jehová: Jehová, Dios cu'un ¿Ha ni bal hich yac awa'be swocol te me'ba' ants te hulemon ta sna, te la awac' chamuc te yale? xchi.

Daniel 9:3

La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.

San Mateo 12:45

Ha yu'un ya xbaht yic' talel huqueb xan chopol espírituhetic te c'ax hich schopolilic a, ya x'ochic soc tey ya xnahinic a; c'ax hich chopol ya xc'oht a te winic te bin ut'il ay ta nahil to. Ha nix hich ya xc'oht te jcaj ts'umbalil ini, xchi te Jesús.

Hechos 13:2

Te c'alal ayic ta yich'el ta muc' Cajwaltic soc scomoj swe'elic a, hich halbotic yu'un te Ch'ul Espíritu: A'bonic ta jcuenta te Bernabé soc Saulo yu'un spasel te a'tel te ha tsahbilic cu'un ta spasel, xchi.

Hechos 14:23

La slehic ancianohetic ta jujun iglesia, la scom swe'elic soc la sc'opombeyic Dios, hich la ya'beyic ta sc'ab te Cajwaltic te ha sch'uhunejiquixe.

1 Corintios 7:5

Ma me talel c'axeluc ma xac'an yac ata abahic, ha nax teme hich achapojic chican jayeb c'ahc'al, yu'un yac awa'telinic sc'oponel Dios. Patil joquina abahic, scuenta yu'un ma ba ya sujex a te Satanás ta scaj te ma xhu' yac acom abahique.

2 Corintios 11:27

ay jwocol ta a'tel soc ta luhbel, bayel yahwayel, ay jwocol ta wi'nal soc ta taquinti'il; bayel buelta ma ba weht jwe'el; ay jwocol ta sic, ay jwocol yu'un mayuc jc'u' jpac'.

Efesios 6:18

Spisiluc ora c'oponahic Dios ta scuenta te Espíritu ta spisil ta chahp bintic yac ac'ambeyic te Diose. Cuxuluc awo'tanic, soc c'opombeyahic Dios spisil ora te mach'atic ch'ultesbilique.