San Mateo 16:24 - Bible in Tzeltal Bachajón

²⁴ Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

Nuevo Testamento Tzeltal de Amatenango

²⁴ Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

Bible in Tzeltal de Oxchuc y Tenejapa

²⁴ La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

San Mateo 16:24 Referans Kwoze

San Mateo 10:38

Soc te mach'a ma ba ya yich' bahel scruz soc ya st'unon, ma ba ya xtuhun cu'un.

San Lucas 14:27

Soc te mach'a ma ba ya sq'uech te cruz yu'un soc ya st'unon, ma xhu' ya x'och ta jnopojel cu'un.

San Marcos 10:21

Te Jesús la yilbe sit, c'ux la ya'iy ta yo'tan, hich la yalbe: Ay to bin ya sc'an yac apas: bahan, chona spisil bintic ay awu'un, q'uebembeya te pobrehetic, hich me ay ac'uhlejal ta ch'ulchan; soc la' t'unawon, xchi.

2 Timoteo 3:12

Ha nix hich ya me xc'ax swocolic ta uts'inel spisil te mach'atic ya sc'an ya yo'tantayic sch'uhunel te Cristo Jesús.

San Marcos 8:34

Te Jesús la yic' tal te ants-winiquetic soc te jnopojeletic yu'une, hich la yalbe ya'iyic: Teme ay mach'a ya sc'an ya st'unon, ac'a sloq'ues sba ta yo'tan, ac'a scuch te cruz yu'un soc ac'a st'unon.

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

Colosenses 1:24

Yo'tic tse'el co'tan yu'un te bin c'ax jwocol ta acuentahic soc te ya jts'acaytes ta jbaq'uetal te bin xan ya sc'an te ya xc'ax swocol Cristo yu'un te sbaq'uetal, ha te iglesia.

San Juan 19:17

Te Jesús sq'uechoj bahel scruzil, baht ta jun lugar Baqueljolal sbihil, Gólgota, xchi ta hebreo.

1 Tesalonicenses 3:3

scuenta yu'un ma me ayuc mach'a ya smel yo'tan yu'un a te wocoletic ini, como ana'ojic te hich nix ya xc'ax ta jtojoltic a.

San Mateo 27:32

Yacalic ta loq'uel bahel a, la stahic jtuhl winic, Simón sbihil, talem ta Cirene; la sujic ta sq'uechbeyel bahel te cruz yu'un te Jesuse.

San Marcos 15:21

Yac ta c'axel jtuhl winic, Simón te talem ta Cirene, ha stat te Alejandro soc Rufo, yac ta ochel tal ta yan lugar, ha la sujic ta yich'el bahel te cruz.

San Lucas 23:26

Te c'alal la yiq'uic bahel te Jesús, la stsaquic jtuhl winic, Simón sbihil, te talem ta Cirene, yac ta talel ta q'uinal a, ha la ya'beyic sq'uech bahel te cruz, tap'al ta spat Jesús.

San Juan 21:19

Hich la yal, yu'un la ya'be sna' te bin lajelil ya ya'iy te ya yac' ta ich'el ta muc' a te Diose. C'alal laj ta halbeyel a, la yal xan: T'unawon, xchi sc'oblal.

San Juan 21:22

Halbot yu'un te Jesús: Teme ya jc'an te cuxul to a te c'alal ya xtalone, ¿bin awochel a? T'unawon te ha'ate, xchi.

1 Pedro 2:21

Ha scuentahil te ic'bilex, como ha nix hich c'ax swocol te Cristo ta acuentahic, hich la ya'beyex hilel anopic yu'un hich yac at'unic bahel.