San Mateo 16:1 - Bible in Tzeltal Bachajón

¹ Talic fariseohetic soc saduceohetic yu'un ya stsajic te Jesús. La sc'ambeyic te yacuc x'a'bot yilic seña talem ta ch'ulchan.

Nuevo Testamento Tzeltal de Amatenango

¹ Ay fariseoetik sok saduseoetik ba yilik te Jesuse yuꞌun ya skꞌan yilbeyik yoꞌtan. La skꞌanbeyik te yauk spas junuk seña smilagro te ya yakꞌ ta ilel te talem ta stojol Diose.

Bible in Tzeltal de Oxchuc y Tenejapa

¹ Ay fariseoetic soc saduceoetic te ba sc'oponic te Jesuse, yu'un la sc'an yilbeyic yo'tan. Jich la sc'anbeyic te ya yac' ta ilel seña yu'el ta ch'ulchan. [

San Mateo 16:1 Referans Kwoze

San Lucas 11:16

Ay yantic te la sc'ambeyic seña ta ch'ulchan, scuenta yu'un hich ya stsajic a.

Hechos 4:1

Te Pedro soc Juan yac sc'opombelic a te pueblo, hulic ta tahel yu'un sacerdotehetic, jtsobaw jcanan-templo, soc saduceohetic,

San Mateo 16:6

Halbotic yu'un te Jesús: Tsahtaya me abahic yu'un te levadura yu'un te fariseohetic soc te saduceohetique, xchi.

1 Corintios 1:22

Te judíohetic ya sc'an ya yilic señahiletic, soc te griegohetic ya slehic p'ijil-o'tanil,

San Juan 8:6

Hich la yalbeyic yu'un ya stsajic, yu'un tey ya stahbeyic smul a. Pero te Jesús la sheht'an sba soc hahch sts'ihbay lum ta yal sc'ab.

Hechos 5:17

Ha yu'un hahch slab yo'tanic te muc'ul sacerdote soc spisil te mach'atic schapoj sba soc, ha te jchahp saduceohetique.

San Lucas 20:27

Ay c'ohtic cha'oxtuhl saduceohetic te ma ba sch'uhunejic te ay cha'cuxajel, hich la sjoc'obeyic te Jesús:

San Lucas 20:23

Pero te Jesús la sna' te bin chopol snopojic, hich la yalbe:

San Lucas 10:25

Ay jtuhl maestro yu'un te Ley te la stehc'an sba ta stojol Jesús yu'un ya stsaj, hich la yalbe: Maestro, ¿bin ya sc'an ya jpas scuenta yu'un ya quich' jcuxlejal sbahtel q'uinal? xchi.

San Marcos 12:18

Tal ta stojol Jesús saduceohetic te ma ba sch'uhunejic te ay cha'cuxajel, hich la sjoc'obeyic:

San Marcos 12:15

Pero te Jesús la sna' te cheb yo'tanic, hich la yalbe: ¿Bin yu'un yac atsajonic? Ich'bonic tal quil jsehp denario, xchi.

San Marcos 10:2

Nohpojic tal ta stojol fariseohetic, yo'tanuc ya stsaj ya'iyic, ha yu'un la sjoc'obeyic teme stojil te ya sch'ay hilel yihnam te winique.

San Mateo 27:62

Ta schebal c'ahc'al, ha te c'axemix yorahil a te ya schahpanic te q'uine, la stsob sbahic te principal sacerdotehetic soc te fariseohetic ta stojol Pilato,

San Mateo 23:2

Te escribanohetic soc te fariseohetic ya xhuhcajic ta shuctajib Moisés.

San Mateo 22:23

Ha nix ta yorahil, te saduceohetic, te ya yalic te mayuc cha'cuxajel, talic ta stojol, hich la sjoc'obeyic te Jesús:

San Mateo 22:18

Pero na'bot yo'tanic yu'un te Jesús te chopol bin snopojic, hich la yalbe: ¿Bin yu'un yac awa'bonic jyacol, jchebal-o'tanex?

San Mateo 22:15

Hich te fariseohetic baht schapic bin ut'il ya schuc sba ta sc'op te Jesús.

San Mateo 19:3

Talic te fariseohetic ta stojol yu'un ya stsajic, hich la sjoc'obeyic: ¿Lec bal teme biluc nax scuentahil ya yihquitay yihnam te winique? xchihic.

San Mateo 15:1

Ay talic ta stojol Jesús escribanohetic soc fariseohetic te talemic ta Jerusalén, hich hul yalbeyic:

San Mateo 12:14

Ha yu'un loq'uic bahel te fariseohetic, baht schapic bin ya yut ya smilic te Jesús.

San Mateo 9:11

C'alal hich la yilic te fariseohetic, la sjoc'obeyic te jnopojeletic: ¿Bin yu'un te ya sjoquin ta we'el jc'an-patanetic soc yantic jmulawiletic te Maestro awu'unique? la yutic.

San Mateo 5:20

Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

Proverbios 26:5

Sutbeya sc'op te mach'a ma sna' q'uinal hich te bin ut'il ya sc'an te sonsohil, scuenta yu'un ma ba ya scuy sba ta p'ij.