San Mateo 15:6 - Bible in Tzeltal Bachajón

⁶ ma fuersahuc ya yich'ix ta muc' a te stat o te snane. Hich yac alajimbeyic sc'oblal te smandar Dios ta scuenta te costumbre awu'unique.

Nuevo Testamento Tzeltal de Amatenango

⁶ te machꞌa jich ya yale ma puersauk ya skꞌuxtayix te smeꞌ-state”, te xchaexe. Jich ta skuenta te kostumbre awuꞌunike maꞌyukix skꞌoplal ya xkꞌot ta chꞌuunel a te tut yaloj ta smantal te Diose.

Bible in Tzeltal de Oxchuc y Tenejapa

⁶ ma yejt'aluc ya xc'uxtayix te sme'-state”, te xaexe. Jich ta swenta te costumbre awu'unique ma'yuquix sc'oplal ya xc'ot ta ch'uunel awu'unic a te bila yaloj ta mandal te Diose.

San Mateo 15:6 Referans Kwoze

1 Timoteo 5:8

como teme ay mach'a ma ba ya ya'be bin ya xtuhun yu'un te mach'atic ay yu'un, soc ha tulan xan sc'oblal te mach'atic ay yu'un ta sna, la smuc te sch'uhunel yo'tan soc c'ax hich chopol a te bin ut'il mach'a ma ba sch'uhunej te Diose.

Jeremías 8:8

¿Bin ut'il ya xhu' yac awal: Ho'otic ay jp'ijiltic, ay ta jtojoltic te ley yu'un Jehová, te xchihexe? Melel ha la sutp'in ta lot te lotil pluma yu'un te mach'atic ya xts'ihbajic.

San Marcos 7:13

Hich yac alajimbe sc'oblal te bin yaloj Dios ta scuenta te costumbre awu'unic te yac awaq'uic ta nopele. Soc bayel to xan bin yac apasic te pajal soc, xchi sc'oblalic.

Salmos 119:126

Yorahilix te ay bin yac apas, Jehová, como c'axuntaybilix te ley awu'une.

1 Timoteo 5:16

Teme ay mach'a te sch'uhunej Dios te ay me'ba' ants ta sna, ac'a scuentahin, scuenta yu'un ma ba ya ya'be swocol te iglesia, te hich mayuc ya spas falta yu'un a te mero me'ba' antsetic cuentahimbilic yu'un te iglesia.

Romanos 3:31

¿Yu'un bal ya jlajimbetic sc'oblal te Ley ta scuenta te sch'uhunel-o'tanil? ¡Ban c'an hichuc! Ha ya caltic te ay sc'oblal te Ley.

Oseas 4:6

La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Salmos 119:139

Slajinejon te xut'et co'tan, como te jcontratac la sch'ay ta yo'tanic te ac'ope.

San Mateo 15:5

Pero te ha'ex yac awalic: Mach'ayuc a te ya yalbe te stat o te snan: Ha smahtan Dios spisil te bintic sc'oblal ha'at ya ca'bat, teme xchihe,

San Mateo 15:7

¡Jchebal-o'tanex! Smelelil te bin la yalbeyex ac'oblalic te Isaías te c'alal hich la yal: