San Mateo 15:33 - Bible in Tzeltal Bachajón

³³ Ha yu'un la sjaq'uic te jnopojeletic yu'un: ¿Banti ya xhu' ya jtahcotic hich yipal pan li' ta jochol q'uinal yu'un ya xnoj sch'uhtic a te bayel ants-winiquetic? xchihic.

Nuevo Testamento Tzeltal de Amatenango

³³ Te jnopojeletik yuꞌune la yalik: —¿Ba ya xba jtabetik sweꞌel te bayal genteetike, te tutꞌil maꞌyuk machꞌa ay sna liye? —xchiik.

Bible in Tzeltal de Oxchuc y Tenejapa

³³ La yalic te jnopojeletic yu'une: —¿Banti c'an jtabeytic swe'elic li'to ta bay jochol q'uinal te melel tsobol te ants-winiquetique? —xiic.

San Mateo 15:33 Referans Kwoze

San Lucas 9:13

Hich halbotic yu'un te Jesús: A'beyahic swe'el ha'ex, xchi. La yalic: Hip nax ho'pehch pan soc cha'coht chay quich'ojcotic, ma tic'uc a, ha nax teme ya xbaht jmancotic tal we'elil yu'un spisil te ants-winiquetique, xchihic.

San Marcos 6:37

La sjac' te Jesús: A'beya swe'elic ha'ex, xchi. ¿Ya bal ac'an te ya xbaht jmancotic we'elil ta lajunwinic (200) denario soc ya ca'becotic yu'un ya xwe'ic a? xchihic yu'un.

San Mateo 14:15

Ta stibiltayel q'uinal tal ta c'oponel yu'un te jnopojeletic yu'un, hich la yalic: Jochol te q'uinal soc tibilix ta bahel. Ticonlanahix bahel yu'un ya xbahtic ta tut pueblohetic ta smanel swe'elic, xchihic.

San Mateo 15:32

Te Jesús la yic'ticlan tal te jnopojeletic yu'un, hich la yal: Ya jna'be yo'bolil sba te ants-winiquetic, como yoxebalix c'ahc'al a te sjoquinejonic, mayuc bin ya swe'ic; ma jc'an ya jticonlan bahel como ma ba we'emic, ya wan xlaj yipic ta be, xchi.

San Mateo 15:34

Halbotic yu'un te Jesús: ¿Jaypehch pan ay awu'unic? xchi. Hucpehch soc cha'oxcoht bic'tal chayetic, xchihic.