San Mateo 15:19 - Bible in Tzeltal Bachajón

¹⁹ Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

Nuevo Testamento Tzeltal de Amatenango

¹⁹ Porke ta awoꞌtanik ya xlijk anopik te tut ma tsaꞌamuk ta pasele: jaꞌ te milawe, sok te antsiwejele, sok te lokoubele, sok te elekꞌe, sok te le-kꞌope, sok te aꞌabiyanwaneje.

Bible in Tzeltal de Oxchuc y Tenejapa

¹⁹ Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

San Mateo 15:19 Referans Kwoze

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Proverbios 4:23

Ta spisil, canantaya awo'tan, como tey ya xtal a te acuxlejale.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Hechos 8:22

Suhtesa awo'tan yu'un achopolil, c'ambeya Dios te yacuc spasbat perdón yu'un bin anopoj ta awo'tan,

Isaías 59:7

Te yoquic ya x'ahnimajic ta stojol te bin chopol, ya suj sbahic ta smalbeyel sch'ich'el te mach'a mayuc smul. Te bin snopojic, ha te bin chopol, ay jinel soc lajinel ta behetic yu'unic.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Proverbios 6:14

chopol bintic ay ta yo'tan, ya snopilan bin chopol, ya shach c'op.

Salmos 119:113

Ya quihlay te mach'atic jchebal-o'tanetic, pero ha c'ux ta co'tan te ley awu'une.

Romanos 7:18

Ya jna' te mayuc bin lec ta jtojol, ha ta jbaq'uetal, como co'tanuc ya jpas te bin lec, pero ma xhu' cu'un spasel.

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Proverbios 24:9

Ha mulil te bin chapal ta yo'tan te mach'a ma sna' q'uinal, soc ya xp'ajot te jlabanwanejetique.

Proverbios 22:15

Te sonsohil ay ta yo'tan te ach'ix-querem, ta scuenta majel ta xul ya x'ihquitayot hilel yu'un.

Números 22:29

Te Balaam la sjac'be sc'op te burra: Yu'un la awac'on ta q'uexlal. ¡Te ayuc espada ta jc'ab, la jmilatix te hichuque! la yut.

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

San Mateo 15:20

Ha'ic ini te ya xjihnotic yu'un te winique; pero ma ha'uc ya xjihnot yu'un teme ma ba spocoj sc'ab a ya xwe'e, xchi.