San Mateo 15:17 - Bible in Tzeltal Bachajón

¹⁷ ¿Ma bal yacuc ana'ic te spisil bintic ya x'och ta ehal ya xc'oht ta ch'uhtul, patil ya xloc' ta tsa'tayel?

Nuevo Testamento Tzeltal de Amatenango

¹⁷ ¿Meꞌn ma xꞌanaꞌbeyik sluwar te tut ya xꞌoch ta atiꞌike te ya xkꞌot ta achꞌujtike? Patil ya xba awakꞌik jilel ta letrina.

Bible in Tzeltal de Oxchuc y Tenejapa

¹⁷ ¿Ma bal yacuc ana'ic stojol te bit'il ya xc'ot ta ach'ujt'ic spisil te bila ya x'och ta awe'ique? Patil ya xba ach'ayic jilel ta letrina.

San Mateo 15:17 Referans Kwoze

San Lucas 6:45

Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

1 Corintios 6:13

Te we'elil ha yu'un ch'uhtul soc te ch'uhtul ha yu'un we'elil, pero Dios ya me slajin ta schebal. Pero te jbaq'uetaltic, ma ha'uc stuc yu'un antsiwej o antsinel, ha yu'un Cajwaltic, soc te Cajwaltic ha yu'un te jbaq'uetaltique.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

2 Reyes 10:27

La swuyic te sloc'omba Baal, la sjinic te templo yu'un, la sutp'inic ta tsa'najibal c'alal ora.

San Mateo 15:16

La yal te Jesús: ¿Ha ni bal hichex te ma xana'beyic scuentahil?

San Mateo 15:18

Yan te bin ya xloc' ta ehal ya xhahch tal ta o'tanil, ha me ya xjihnot yu'un te winique.

San Marcos 7:19

Como ma ba ya x'och ta yo'tan, ya xc'oht ta sch'uht, patil ya xbaht ta sch'ayojibal, xchi. Te bin ut'il hich la yal te Jesús, ha la yac' ta na'el a te lec spisil ta chahp we'elil.