San Mateo 15:14 - Bible in Tzeltal Bachajón

¹⁴ Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

Nuevo Testamento Tzeltal de Amatenango

¹⁴ Teꞌ yil sbaik a, te ya stojutesik ta be te choketike, pero pajal chok kꞌoem sok. Teme jtul chok ya stojutes ta be te jtul xan choke, pajal me ya xchꞌay sok koel ta chꞌen —xchi te Jesuse.

Bible in Tzeltal de Oxchuc y Tenejapa

¹⁴ Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

San Mateo 15:14 Referans Kwoze

San Lucas 6:39

Te Jesús la yalbe xan ya'iyic sloc'ombahil c'op: ¿Ya bal xhu' ya stojobtes ta be te mach'a pajal ts'o'sit soque? ¿Ma bal pajaluc ya xch'ayic ta ch'en soc?

Isaías 56:10

Ha ts'o'sitetic te j'il-q'uinaletic yu'unique, spisilic ma sna'ic q'uinal; spisilic uma' ts'i'etic, ma xhu' yu'unic wohwonel; metselic a ya ya'iyic wayich, ya smulanic te wayele.

Malaquías 2:8

Yan te ha'exe, la awihquitayic hilel te be, la awaq'uic sc'ohchin sbahic tsobolic ta banti te Ley, la ajinic te chapbil-c'op te la yich' chahpanel soc Leví, xchi te Jehová te scuentahinej spisil.

Isaías 9:16

Te jcuentahinwanejetic ya showiytesic te pueblo ini ya xch'ayic te mach'atic cuentahimbil yu'unique.

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Isaías 42:19

¿Mach'a a te ts'o'sit, ma bal ha'uc te ca'bate? ¿Mach'a a te cohc hich te bin ut'il te jal-c'op te ticombil cu'une? ¿Mach'a a te ts'o'sit hich te bin ut'il te mach'a tsahbil cu'un, hich te bin ut'il te ya'bat te Jehová?

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

2 Pedro 2:17

Ha'ic sloq'uib ha'etic te mayuc ya'lel, soc tocaletic te ya xtenotic yu'un tulan ic'; chapal sc'oblalic te ya xc'oht ayinuquic sbahtel q'uinal ta banti c'ax ihc'.

1 Timoteo 6:5

soc te tulan ya stsac sbahic ta c'op te mach'atic chopol spensaric, te ma sna'ic bin ut'il ay te smelelil c'op, te ha ya spasic ganar a te bin stojil ay ta ch'uhunel te Diose.

Oseas 4:17

Te Efraín yac'oj sba ta sch'uhunel loc'ombahetic, ¡ihquitaya!

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Isaías 31:3

Te egipciohetic winiquetic nax, ma ha'uc Dios; baq'uet nax te cawuhetic yu'unic, ma ha'uc espíritu. Te c'alal ya shach sc'ab te Jehová ya xyahl te mach'a ya xcoltaywan soc ya xyahl te mach'a coltaybil; ta spisilic pajal ya xlajic.

San Juan 9:39

La yal te Jesús: Ha talemon ta bahlumilal scuenta jchahpanwanej, scuenta yu'un te mach'atic ma ba ya yilic q'uinal, ya me yilic q'uinal, soc te mach'atic ya yilic q'uinal, ts'o'sit ya xc'ohtic, xchi.