San Mateo 15:13 - Bible in Tzeltal Bachajón

¹³ La sjac' te Jesús: Spisil ts'unubiletic te ma ha'uc sts'unoj te Jtat ay ta ch'ulchan, ya me yich'ticlan bulel.

Nuevo Testamento Tzeltal de Amatenango

¹³ La yal te Jesuse: —Spisil te awaltsꞌunubil teme ma jaꞌuk la stsꞌun te jTat te ay ta chꞌulchane ya me xbulot lokꞌel.

Bible in Tzeltal de Oxchuc y Tenejapa

¹³ La yal te Jesuse: —Spisil awal-ts'unubil teme ma ja'uc la sts'un te Jtat te ay ta ch'ulchane, ya me yich' bulel loq'uel.

San Mateo 15:13 Referans Kwoze

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

San Juan 15:6

Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Salmos 92:13

ts'umbilic ta sna Jehová, ya me xnichinic ta amaq'uetic yu'un te Sna te Dios cu'untique.

1 Corintios 3:9

Como te ho'otcotic joc jbahcotic ta a'tel soc Dios; te ha'exe sts'unubex Dios, ha snahex Dios.

San Mateo 15:12

Ha yu'un nohpojic tal ta stojol te jnopojeletic, hich la sjoc'obeyic: ¿La bal ana' te ma lecuc la ya'iyic te fariseohetic c'alal hich la ya'iyic? xchihic.

San Juan 15:1

Ho'on te smelelil ch'oxalon ts'usub, soc ha jcanan-ts'usubil te Jtate.

Judas 1:12

Ha awabaquilic ta q'uin yu'un c'uxul-o'tanil awu'unic, mayuc sq'uexlalic a ya sjoquinex ta we'el, ha nax ya scanantay sbahic stuquel. Ha tocaletic te mayuc ya'lel, bayuc ya xtenotic yu'un te iq'ue; ha te'etic ta yorahil shahchel scomil c'ahc'al te mayuc sit soc bulbilic, cheb buelta lajemic.