San Mateo 14:9 - Bible in Tzeltal Bachajón

⁹ Te ajwalil la smel yo'tan yu'un, pero ta scaj te yalojix ta jamal soc ta scaj te mach'atic sjoquinejic ta mesa, la spas mandar te ya x'a'bot te bin yac sc'ambele.

Nuevo Testamento Tzeltal de Amatenango

⁹ Te Herodese lom triste kꞌajtaj yuꞌun. Pero komo yalojix ta jamal ta stojol Dios ta sit te smajanabe, la yal mantal te ya xꞌaꞌbot te tut ya skꞌane.

Bible in Tzeltal de Oxchuc y Tenejapa

⁹ Te Herodes bayal la smel yo'tan yu'un, ja'uc me to, scaj te yalojix ta stojol Dios soc te la yaiyiquix stojol uuc te ula'etic te nacal ta mesa soque, jich la yal mandal te ya x'ac'bot te bila la sc'ane.

San Mateo 14:9 Referans Kwoze

San Lucas 13:32

Hich halbotic yu'un: Bahan, hich me xawalbeyic te waxe: Ya jloq'ueslan pucujetic soc ya jlecubtes jchameletic yo'tic soc pajel, ta yoxebal c'ahc'al ya jlajin te ca'tel, xchihanic me.

San Marcos 6:26

Te ajwalil bayel la smel yo'tan yu'un. Pero ta scaj te bin jc'axel yaloj ta jamal soc ta scaj te mach'atic sjoquinej ta mesa, ma ba la sc'an te ya smac ta c'op.

San Marcos 6:20

como te Herodes xi'oj te Juan, yu'un sna'oj te toj ta winiquil soc ch'ultesbil, hich la scanantay. C'alal la ya'iybe sc'op te Juan, ma ba la sna' bin ya spas yu'un, pero bayel la smulan te ya ya'iybe te sc'ope.

San Marcos 6:14

Te ajwalil Herodes la ya'iybe sc'oblal te Jesús, como puhquem ta halel te sbihile, hich la yal yu'un: Cha'cuxajem tal te Juan J'ac'-ich'-ha', ha scuentahil te ay yu'el ta spasel ini, xchi.

San Mateo 14:5

Te Herodes ya c'an yac' ta milel te Juan, pero ha xi'oj te pueblo, como sch'uhunejic te ha jalwanej te Juan.

San Mateo 14:1

Ta hich ora te Herodes te tetrarca la ya'iybe sc'oblal te Jesús te bayuc puhquem ta halel.

Eclesiastés 5:2

Ma me orahuc ya xc'opojat, ma me orahuc ay bin yac awal ta stojol Dios, como Dios ay ta ch'ulchan, yan te ha'ate ayat ta bahlumilal. Ha yu'un ma me bayeluc ya xc'opojat.

1 Samuel 28:10

Pero te Saúl la yal ta jamal ta stojol Jehová, hich la yal: ¡Yiloj Jehová! mayuc bin chopol ya xc'oht ta acuenta yu'un, xchi.

1 Samuel 25:22

Dios hich ac'a spasbe te scontratac David, soc c'ax to xan hich a, teme ta sab pajel cuxul ya xhil cu'un jtuhluc te mach'a ay yu'un, xchi.

1 Samuel 14:28

Patil c'oponot yu'un jtuhl soldado, hich halbot yu'un: Te atat hich la yac' ta halel ta jamal te winiquetic: Bohlobuc me sc'oblal te winic te ay bin ya swe' yo'tic, xchi. Ha yu'un te mayuquix yipic te winiquetique.

1 Samuel 14:24

Pero te winiquetic yu'un Israel ay swocolic ta hich ora, como te Saúl la yac' te ay bin ya yalic ta jamal te winiquetic, hich la yal: Bohlobuc me sc'oblal mach'ayuc a te ay bin ya swe' te ma to x'ihc'ub q'uinal a, te c'alal ma to ba ca'beyej spacol a te jcontrahe, xchi. Hich spisil te winiquetic mayuc bin la swe'ic.

Jueces 21:1

Te winiquetic yu'un Israel hich yalojiquix ta jamal ta Mizpa: Ho'otic mayuc mach'a ya cac'tic nuhpunuc soc cantsil-nich'nabtic te snich'nab Benjamín, xchihic.

Jueces 11:39

C'alal ts'acay te cheb u, suht tal ta stojol te state. Ha la spas te bin jc'axel yaloj ta jamal te ya spase. Mayuc bin ora tahot ta winic te ach'ixe.

Jeremías 44:25

Hich yaloj te Jehová te scuentahinej spisil, te Dios yu'un Israel: Te ha'ex soc te antsetic awu'unic la awalic ta awehic soc la apasic ta ac'abic, te hich la awalic: Ya me jc'ohtescotic ta pasel te bintic calojcotic ta jamal, ha te ya jchic'becotic pom te ajwalil-ants yu'un ch'ulchan soc ya ca'betic malbil mahtaniletic, xchihex. Ha yu'un pasa te bin la awalic ta jamal, pasahic te bin awalojique.

San Mateo 14:8

Te ach'ix, te bin ut'il nahil a'bot sna' yu'un te snan, hich la yal: Ich'bon tal ta plato te sjol te Juan te J'ac'-ich'-ha', xchi.

San Mateo 14:10

Hich la sticon ta xot'beyel loq'uel tal sjol ta cárcel te Juan.