San Mateo 13:52 - Bible in Tzeltal Bachajón

⁵² Ha yu'un spisil escribano te snopbeyej sc'oblal te cuentahinel yu'un te ch'ulchan hich c'ohem te bin ut'il jtuhl yajwal na te ya stsa loq'uel tal ta yawil te bin yach'il soc te bin poco'ix, xchi te Jesús.

Nuevo Testamento Tzeltal de Amatenango

⁵² La yal te Jesuse: —Te maestroetik yuꞌun te mantaliletike te snaꞌojbe sluwaril te tutꞌil ay ta ajwalinel te Diose jaꞌ pajal kꞌoem sok te tutꞌil ay te jtul yajwal nae. Te tutik skꞌejoje ya snaꞌ slokꞌesel tal te achꞌ toe sok te tuuntesbilixe —xchi.

Bible in Tzeltal de Oxchuc y Tenejapa

⁵² La yal te Jesuse: —Ja' swentail te spisil jts'ibojom, te sna'ojbey swentail te bit'il ay ta ajwalinel te Dios te ay ta ch'ulchane, ja' pajal c'oem soc te bit'il jtul winic te swentainej te snae. Ya sna' stuuntesel te sc'ulejal ta bay yach'ile soc ta bay pocobenixe —xi'.

San Mateo 13:52 Referans Kwoze

Tito 1:9

Ya sc'an te jc'axel yac'oj ta yo'tan te lequil c'op te a'bot snop, scuenta yu'un hich ya xhu' yu'un stsitsel ta scuenta lequil nohptesel soc ya xhu' yu'un sutbeyel sc'op te mach'atic ya xcontrac'optayot yu'une.

San Mateo 12:35

Te mach'a lec ta winiquil ya xloc' ta ye te bintic lec sq'uejoj ta yo'tan; te mach'a chopol ta winiquil, ya xloc' ta ye te bintic ma lecuc sq'uejoj ta yo'tan.

Proverbios 15:7

Te mach'atic p'ij yo'tanic ya spuquic ta halel p'ijil c'op; ma hichuc te mach'atic ma sna'ic q'uinal.

Esdras 7:21

Ho'on, Artajerjeson ajwalilon, ya calbe mandar spisil te tesorerohetic te ay ta jehch muc'ul-ha' Éufrates, spisil te bintic ya sc'an te sacerdote Esdras te maestro te p'ijuben ta ley yu'un te Dios ta ch'ulchan, ora me yac awa'beyic,

Esdras 7:10

Como te Esdras yac'oj yo'tan ta snopel te mandariletic yu'un Jehová soc ta spasel, soc ta yaq'uel ta nopel ta Israel te chahpambil mandariletic soc te bintic yaloj ta mandar te Diose.

San Lucas 11:49

Ha scuentahil te hich halbil ta scuenta sp'ijil yo'tan te Diose: Ya jticombe jalwanejetic soc jpuc-c'opetic; ay me ya smilic soc ay me ya yuts'inic, te xchihe.

San Mateo 23:34

Ha yu'un ya jticombeyex jalwanejetic, p'ijil winiquetic soc jp'ijubteswanejetic; ay me yac amilic, ay me yac ajihpanic ta cruz, ay me yac amajic ta sinagogahetic awu'unic soc ay me yac anutsic bahel ta jujun pueblo.

Proverbios 18:4

Te sc'op te winic, ha c'ubul ha' c'ohem; te sloq'uib-ha' yu'un p'ijil-o'tanil, ha uc'um te ya x'oquin bahel.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Colosenses 1:7

La anopbeyic sc'oblal ta scuenta Epafras, te c'ux ta co'tancotic soc te joc jbahcotic ta a'tel, te jun yo'tan yac'oj sba ta a'batinel yu'un Cristo ta acuentahic,

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

San Juan 13:34

Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

Cantares 7:13

Te mandrágorahetic ya spuquic bahel sumet yic', soc ta sti'il jnatic ay spisil ta chahp lequil sit te'etic, ay yach'il soc ay pajuben te jq'uejojbat, ha'at te c'uxat ta co'tane.

Proverbios 11:30

Te sit ya yac' mach'a toj yo'tan ha te' yu'un cuxlejal, ha p'ij te mach'a ya x'ic'awan ta lequil be.

Esdras 7:6

hahch loq'uel ta Babilonia. Te Esdras p'ijuben ta lec yu'un te ley yu'un Moisés te a'bot yu'un Jehová te Dios yu'un Israel; soc ha a'bot yu'un te ajwalil spisil te bintic la sc'an, como te sc'ab te Jehová te Dios yu'un ay ta stojol te Esdras.

Efesios 3:4

Te c'alal yac awilic bin la jts'ihbay, tey me yac ana'ic a te ya jna' te bin muquen ay sc'oblal te Cristo,

2 Corintios 6:10

hich ya'iyel te jmeloj co'tancotic, pero spisil ora tse'el co'tancotic; hich ya'iyel te pobre ayotcotic, pero tsobol mach'atic ya xc'uhlejub ta jcuentacotic; hich ya'iyel te mayuc bin ay cu'uncotic, pero spisil bintic ay cu'uncotic.

1 Timoteo 3:6

Ma ocheluc to ta sch'uhunel Dios, teme repente ya stoy sba, te hich pajal ya x'a'bot stoj smul soc te pucuje.

San Mateo 13:51

Hich joc'obotic yu'un te Jesús: ¿La bal ana'beyic scuentahil spisil ini? xchi. La jna'cotic, xchihic.

San Mateo 13:53

C'alal laj yo'tan te Jesús ta yalel spisil te sloc'ombahil c'opetic ini, loc' bahel tey a.

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,