San Mateo 13:51 - Bible in Tzeltal Bachajón

⁵¹ Hich joc'obotic yu'un te Jesús: ¿La bal ana'beyic scuentahil spisil ini? xchi. La jna'cotic, xchihic.

Nuevo Testamento Tzeltal de Amatenango

⁵¹ Te Jesuse la sjojkꞌoy: —¿Me kꞌot ta awoꞌtanik spisil te tut la kalixe? —xchi. La yalik: —Jich Kajwal, kꞌot ta koꞌtantik —xchiik.

Bible in Tzeltal de Oxchuc y Tenejapa

⁵¹ Te Jesús la sjojc'obey: —¿C'ot bal ta awo'tanic spisil te bila la calixe? —xi'. La yalic: —C'ot, Cajwal —xiic.

San Mateo 13:51 Referans Kwoze

San Marcos 4:34

Ma ba la sc'opon teme ma ha'uc ta sloc'ombahil c'op; pero te c'alal stuquel ay soc a te jnopojeletic yu'une, spisil la yalbe bin scuentahil.

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

San Mateo 13:11

Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

San Marcos 7:18

Hich halbotic yu'un te Jesús: ¿Yu'un bal ha nix hichex te ma xana'beyic scuentahil? ¿Ma bal yacuc ana'ic te mayuc bin ya x'och ta ye te winic te ya xhu' ya xbohlobtesbot sc'oblal yu'un?

San Mateo 24:15

Ha yu'un te bin ora yac awilic ta ch'ul awilal te bin ilobtic sba te ya xjinawan, te la yalbe sc'oblal te jalwanej Daniel, (te mach'a ya yil te hun ini, ac'a me sna'be scuentahil),

San Mateo 16:11

¿Bin yu'unix a te ma xana'ic te ma ha'uc ta scaj te pan te hich la jcalbeyex te ya me atsahtay abahic yu'un te levadura yu'un te fariseohetic soc te saduceohetique? xchi.

San Mateo 15:17

¿Ma bal yacuc ana'ic te spisil bintic ya x'och ta ehal ya xc'oht ta ch'uhtul, patil ya xloc' ta tsa'tayel?

San Mateo 13:50

soc ha ya sch'ojic ochel ta horno yu'un c'ahc'; tey ya xc'oht yoq'uetay sbahic a, soc tey ya xc'oht sc'uxuxan yehic a, xchi.

San Mateo 13:52

Ha yu'un spisil escribano te snopbeyej sc'oblal te cuentahinel yu'un te ch'ulchan hich c'ohem te bin ut'il jtuhl yajwal na te ya stsa loq'uel tal ta yawil te bin yach'il soc te bin poco'ix, xchi te Jesús.