San Mateo 13:44 - Bible in Tzeltal Bachajón

⁴⁴ Te cuentahinel yu'un te ch'ulchan hich c'ohem te bin ut'il c'uhlejalil mucul ta lum, te ay mach'a la sta soc la scha'muc xan hilel; tse'el yo'tan a baht schon spisil bintic ay yu'un, ha baht sman te q'uinale.

Nuevo Testamento Tzeltal de Amatenango

⁴⁴ “Te tutꞌil ya xkꞌot ta ajwalinel te Diose, jich kꞌoem te tutꞌil bayal oro te mukul ta jlom chꞌin luware. Ay jtul winik te la stae sok la xchaꞌmuk xan jilel teꞌa. Ben jun yoꞌtan a sujt bael yuꞌun. Jicha ba xchon spisil te tut ay yuꞌune y ba sman a te luwar te ba ay mukul te oroe.

Bible in Tzeltal de Oxchuc y Tenejapa

⁴⁴ “Te bit'il ay ta ajwalinel te Dios te ay ta ch'ulchane, jich c'oem te bit'il bayal oro te nac'al ta lum ta bay jsejp ch'in q'uinal. Ay jtul winic te la stae, soc la xcha'nac' xan jilel tey a. Scaj te bayal sbujts' yo'tan yu'une, jich ba xchon spisil te bila ay yu'une, ja' ba sman a te ch'in q'uinal ta bay nac'al te oroe.

San Mateo 13:44 Referans Kwoze

Colosenses 2:3

te ha nac'bil ta stojol spisil te sc'uhlejal te p'ijil-o'tanil soc te bintic ay ta na'el.

San Lucas 14:33

Ha nix hich te ha'exe, teme ma ba yac awihquitay ta awo'tanic spisil bintic ay awu'unic, ma xhu' ya x'ochex ta jnopojel cu'un.

San Mateo 6:21

Como te banti ay ac'uhlejalic, tey ay a te awo'tanique.

San Mateo 19:29

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

Proverbios 16:16

Ha lec xan te slehel p'ijil-o'tanil te bin ut'il lequil oro, soc ha lec xan stahel sna'beyel scuentahil te bin ut'il plata.

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

San Mateo 19:27

La sjac' te Pedro: Te ho'otcotic quihquitayejcotic hilel spisil soc jt'unojatcotic; ¿bin ya jtahcotic a? xchi.

San Mateo 19:21

Halbot yu'un te Jesús: Teme yac ac'an te mayuc bin ya spasat falta, bahan, chona hilel te bintic ay awu'un, q'uebembeya hilel te pobrehetic, hich me ay ac'uhlejal ta ch'ulchan; soc la', t'unawon, xchi.

Isaías 55:1

¡Ha'ex te taquin awo'tanic, la'ic, la'ic ta banti ay te ha'e; ha'ex te mayuc ataq'uinic, la'ic, manahic soc we'anic! ¡La'ic, ma ta taq'uinuc yac amanic, mayuc stojol te vino soc te leche!

Romanos 15:4

Como spisil te bintic ts'ihbabil ta nahil, scuenta jp'ijubteseltic te la yich' ts'ihbayel, scuenta yu'un ay smuc'ul co'tantic ta scuenta te bin ya xcuhch cu'untic soc ta scuenta te yip co'tantic ya jtahtic yu'un te bin ts'ihbabile.

San Mateo 13:24

Ay yan sloc'ombahil c'op halbot ya'iyic yu'un te Jesús, hich la yal: Te cuentahinel yu'un te ch'ulchan, hich c'ohem te bin ut'il jtuhl winic te la slihlin ts'unubil ta sq'uinal;

Hebreos 10:34

Ha nix hich la ana'beyic yo'bolil sbahic te mach'atic chuculic, soc tse'el awo'tanic c'ax awocolic te la awich'ic pojbeyel abiluquic, como la ana'ic te c'ax hich yutsil a te bintic yac awich'ic te ma xlaje.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

Proverbios 17:16

¿Banti ya xtuhun taq'uin ta sc'ab te mach'a ma sna' q'uinal yu'un ya sman p'ijil-o'tanil, teme ma sna' snopele?

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Proverbios 18:1

Te mach'a t'ut' ha nax ya sle te bin ya sc'an yo'tan stuquel, soc ya scontrahin spisil lequil tojobtesel.

Job 28:13

Te winic ma sna' te ay sc'oblal te p'ijil-o'tanil, soc ma xweht ta lehel ta bahlumilal.

San Mateo 13:46

c'alal la sta jun perla te mero t'ujbil, baht schon spisil bintic ay yu'un, ha la sman.

San Mateo 13:47

Soc te cuentahinel yu'un te ch'ulchan hich c'ohem te bin ut'il tsaco-chay te ya x'otsesot cohel ta ha', ya stsob spisil ta chahp chayetic.