San Mateo 13:43 - Bible in Tzeltal Bachajón

⁴³ Te mach'atic toj yo'tanic hich me ya xtihlic te bin ut'il te c'ahc'al tey ta banti ay te cuentahinel yu'un te Statique. Te mach'a ay schiquin, ac'a me ya'iy.

Nuevo Testamento Tzeltal de Amatenango

⁴³ Te machꞌatik lek yoꞌtanik ta stojol te Diose ya me xchiknaj stsaꞌamulik te ba ay ta ajwalil te jTatike, jich me tutꞌil ya xtil xojobil te kꞌajkꞌale. Te machꞌatik ay xchikine, a me yaꞌibe sluwaril ta lek.

Bible in Tzeltal de Oxchuc y Tenejapa

⁴³ Te mach'atic toj yo'tanic ta stojol te Diose, ya me xojobajic jich bit'il te c'aal ta ba ay ta ajwalinel te Jtatique. Te mach'a ay xchiquine, ac'a me yaiy stojol ta lec.

San Mateo 13:43 Referans Kwoze

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

San Lucas 12:32

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

San Mateo 11:15

Te mach'a ay schiquin, ac'a ya'iy.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

1 Corintios 15:58

Ha yu'un, quermanotac te c'uxex ta co'tan, ayuc me yip awo'tanic soc junuc me awo'tanic, spisil ora behbehuc me ta muc'ubel awu'unic te ya'tel te Cajwaltic, como ana'ojic te ma tojoluc ya xc'oht te awa'telic yu'un te Cajwaltique.

San Lucas 22:29

Ha yu'un ya ca'beyex awa'telic ta jcuentahinwanej, hich te bin ut'il a'bibilon ca'tel ta jcuentahinwanej yu'un te Jtate,

San Mateo 26:29

Ya calbeyex te ma ba ya cuch'ix ha'i ya'lel ts'usub ini ha to ta yorahil te ya joquinex ta yuch'el ta yach'il ta banti ya xcuentahinwan te Jtate, xchi.

San Mateo 25:36

te c'alal mayuc jc'u' jpac' a, ay bin la awa'bonic jlap; te c'alal ayon ta chamel, c'oht awilonic; te c'alal ayon ta cárcel, c'oht awula'tayonic, xchi me sc'oblalic.

San Marcos 4:23

Te mach'a ay schiquin, ac'a me ya'iy, xchi.

Éxodo 34:35

Te snich'nab Israel c'alal ya yilic te sit yelaw Moisés, ya yilic te ay sts'anabul, hich ya scha'muc xan ta pac' te sit yelaw ha to c'alal ya xcha'och xan ta c'op soc te Diose.