San Mateo 13:35 - Bible in Tzeltal Bachajón

³⁵ Hich c'oht ta pasel a te bin yaloj te jalwanej, te hich la yal: Ya xc'opojon ta sloc'ombahil c'op, ya cac'ticlan ta na'el te bintic muquen ay ta shahchel to tal te bahlumilal, te xchihe.

Nuevo Testamento Tzeltal de Amatenango

³⁵ Te tutꞌil jich a yal te Jesuse, jaꞌ akꞌot ta pasel te tut yaloj te antibo jꞌalwanej yuꞌun te Diose te jich a yale: “Ya me kal ta seña-kꞌopetik te tut ma naꞌbot sluwaril jaꞌ to te la spas balmilal te Diose”, xchi me.

Bible in Tzeltal de Oxchuc y Tenejapa

³⁵ Te bit'il jich c'opoj te Jesuse, ja' c'ot ta pasel te bila yaloj te namey q'uinal j'alwanej yu'un te Diose te jich la yale: “Ya me jam que ta yalel seña-c'op. Ya me cal te bila ma ba ac'ot ta na'el stojol ta xjajch'ibal to tel te balumilale”, te xie.

San Mateo 13:35 Referans Kwoze

Salmos 78:2

Ya xc'opojon ta tsahbil c'opetic; ya cal te bintic muquen ayic ta namey,

Efesios 3:9

soc te jamal ya calbe spisilic bin ut'il ya xc'oht ta pasel te bin nameyix mucul ta yo'tan Dios, te la spas spisil bintic ay,

1 Corintios 2:7

Ha ya xc'opojotic te ta sp'ijil yo'tan Dios te muquen ay, ha te p'ijil-c'op te muquen ay, te ta shahchibal to tal chapal yu'un Dios te ha cutsilaltic ya xc'oht.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Efesios 3:5

ha te bin ma hichuc a'bot sna'ic te cajalcaj ts'umbalil, hich te bin ut'il a'bot sna'ic yu'un te Espíritu te ch'ul jpuc-c'opetic soc te jalwanejetique.

Isaías 42:9

Ilawil, c'ohtix ta pasel te bintic ay ta nahilal, soc ya calbe sc'oblal te bintic yach'ile; te c'alal ma to ba c'ohem ta pasel a ya calbeyex sc'oblal, xchi te Jehová.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

San Mateo 13:14

Ha me yaquix ta c'ohel ta pasel ta stojolic te bin yaloj te jalwanej Isaías, te hich la yal: Yac awa'iybelic, pero ma xana'beyic scuentahil; yac awilbelic, pero ma xc'oht ta awo'tanic,

Salmos 49:4

Ya cac' jchiquin a te tsahbil c'opetic; ya cal soc arpa cu'un te bin wocol ta na'ele.

Apocalipsis 17:8

Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

San Lucas 10:14

Ha yu'un ta yorahil ich'el ta c'op, c'ax hich castigo yac awich'ic a te bin ut'il ya yich'ic te Tiro soc te Sidón.

Hechos 15:18

xchi te Cajwaltic te nameyix la yac' ta na'el ini, te xchihe.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

San Mateo 5:2

hahch ta c'op te Jesús, hich la yal ta p'ijubteswanej:

San Mateo 13:3

Bayel bin la yalbe ya'iyic ta sloc'ombahil c'op, hich la yal: Ay jtuhl jts'umbajel loc' ta slihlinel sts'unub.