San Mateo 13:33 - Bible in Tzeltal Bachajón

³³ Ay yan sloc'ombahil c'op la yalbe ya'iyic: Te cuentahinel yu'un te ch'ulchan hich c'ohem te bin ut'il levadura te jtuhl ants la swots' soc oxp'is harina ha to c'alal la spajubtes spisil, xchi.

Nuevo Testamento Tzeltal de Amatenango

³³ Ay yan seña-kꞌop te la yal te Jesuse: —Te tutꞌil ya xkꞌot ta ajwalinel te Diose, ja pajal sok te levadurae te la skap sok oxpꞌis jarina te antse, jaꞌ to te sijtꞌ ta swolol te matsꞌe —xchi te Jesuse.

Bible in Tzeltal de Oxchuc y Tenejapa

³³ Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

San Mateo 13:33 Referans Kwoze

Gálatas 5:9

Hich ay ta halel: Jteb nax levadura ya spajubtes spisil te we'bale, xchi.

San Lucas 13:21

Ha pajal soc levadura te la swots' soc oxp'is harina jtuhl ants, ha to c'alal pajub spisil, xchi.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Job 17:9

Pero te mach'a toj yo'tan ya to st'un te be yu'un, soc te mach'a mayuc smul te sc'ab ya me sta xan yip.

Génesis 18:6

Hich te Abraham ora baht ta nahilpac' te banti ay te Sara, hich la yalbe: Ich'a ta ora oxp'is lequil harina, wots'a, pasa ta pan, xchi.

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.

Filipenses 1:9

Ha ya jc'opombeyex Dios yu'un te behbehuc yac ta p'ohlel te sc'uxul awo'tanic yu'un te bintic ay ta na'el soc sna'beyel scuentahil,

Filipenses 1:6

Sch'uhunej co'tan te mach'a la shach te lequil a'tel ta atojolic, ya me shu'tes bahel ha to c'alal ya sta sc'ahc'alel yu'un te Jesucristo.

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

San Marcos 13:20

Te manchuc ya xpehc'ambot sc'ahc'alel yu'un te Cajwaltic, mayuc mach'a ya xcol te hichuque. Pero ha ta scuenta te mach'atic tsahbilic yu'un te ya spehc'ambe sc'ahc'alele.

San Mateo 13:24

Ay yan sloc'ombahil c'op halbot ya'iyic yu'un te Jesús, hich la yal: Te cuentahinel yu'un te ch'ulchan, hich c'ohem te bin ut'il jtuhl winic te la slihlin ts'unubil ta sq'uinal;

Jueces 6:19

Hich te Gedeón baht schahpan tal jcoht tut tentsun soc panetic te ma ba yich'oj levadura te pasbilic ta jun efa yu'un harina, la yac' ta moch te ti'bal soc la yac' ta oxom te ya'lele, la yich' bahel, la ya'be ta ye'tal te jihte'.

1 Samuel 1:24

Te c'alal hil schu' yu'un, la yic' bahel sjoquin ta sna Jehová ta Silo soc oxcoht jcolel torohetic, jun efa harina soc jun vasija vino. Tut to a te alale.

2 Samuel 13:6

Hich te Amnón baht ta swayib, la spas sba te ay ta chamel. Tal ta ilel yu'un te ajwalil. Te Amnón hich la yalbe: Awocoluc, ac'a taluc te quihts'in Tamar. Ac'a tal spasbon cha'pehchuc jayal pan, ac'a ya'bon jwe'el ta sc'ab, xchi.